1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1314E/2020 EBAZPENA, azaroaren 16koa, Osasunbidea-Nafarroako Osasun Zerbitzuko zuzendari kudeatzaileak emana, zeinaren bidez aldatzen baita Osasunbidea-Nafarroako Osasun Zerbitzuko zuzendari kudeatzailearen urriaren 13ko 1109E/2020 Ebazpena. Ebazpen horren bidez onetsi zen deialdi honen testua: deialdia, batetik, Osasunbidea-Nafarroako Osasun Zerbitzuko barrutiko fakultatibo espezialista izateko 283 lanpostu oposizio-lehiaketa bidez betetzeko, eta bestetik, hautapen proben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne sustapenaren bidez.
Osasunbidea-Nafarroako Osasun Zerbitzuko zuzendari kudeatzailearen urriaren 13ko 1109E/2020 Ebazpenaren bidez onetsi zen deialdi honen testua: deialdia, batetik, Osasunbidea-Nafarroako Osasun Zerbitzuko barrutiko fakultatibo espezialista 283 lanpostu oposizio-lehiaketa bidez betetzeko, eta bestetik, hautapen proben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez. 2020ko 254. Nafarroako Aldizkari Ofizialean argitaratu zen, urriaren 30ekoan.
Urriaren 25eko 926/2020 Errege Dekretuaren bidez, alarma-egoera deklaratu zen SARS-CoV-2ak eragindako kutsatzeen hedapena geldiarazteko, ikusita goranzko joera zuela diagnostikatutako kasuen kopuruak eta gero eta handiagoa zela patologia hori artatzeari lotutako presio asistentziala. Gero, azaroaren 3ko 956/2020 Errege Dekretuak alarma-egoera hori luzatu du 2021eko maiatzaren 9ko 00:00etara arte.
Bestalde, Nafarroako Foru Komunitatean egoera epidemiologikoa txarra izanik, Osasuneko kontseilariak 57/2020 Foru Agindua eman zuen urriaren 21ean, zeinaren bidez berariazko prebentzio neurri apartekoak hartu baitziren Nafarroako Foru Komunitaterako, COVID-19ak eragindako egoera epidemiologikoak izan zuen bilakaeraren ondorioz. Foru agindu horrek aparteko neurri murritzaile batzuk onetsi zituen, hala nola irteerak eta sarrerak murriztea Nafarroako Foru Komunitate osoko perimetroan.
Gero, alarma-egoerak indarra hartu ondoan, Nafarroako Foru Komunitateko lehendakariaren urriaren 27ko 24/2020 Foru Dekretua onetsi zen, zeinaren bidez prebentzio neurriak ezarri baitziren Nafarroako Foru Komunitatean, SARS-CoV-2ak eragindako kutsatzeen hedapena geldiarazteko. Horrekin, mugak jarri ziren jendeak gaueko joan-etorriak egiteko, Nafarroako Foru Komunitatean sartu eta irteteko eta pertsonen taldeak eremu publikoan zein pribatuak biltzeko. Ikusita egoerak ez duela hobera egin, neurri horiek luzatu dira Nafarroako Foru Komunitateko lehendakariaren azaroaren 4ko 26/2020 Foru Dekretuaren bidez.
Horregatik guztiagatik, daukagun pandemia edukita eta antolamendu arrazoiak direla eta, bermatu gogo da, ahal den heinean, ez dela azterketaren hilabetea aldatu beharrik izanen azterketara hurbildu ahala. Hori dela eta, beharrezkoa da oposizio-lehiaketen deialdiaren 6.2 oinarria aldatzea, oposizioaldia hasteko hilabeteari dagokionez.
Erabiliz irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak,
EBAZTEN DUT:
1. 6.2. oinarria aldatzea Osasunbidea-Nafarroako Osasun Zerbitzuko zuzendari kudeatzailearen urriaren 13ko 1109E/2020 Ebazpenaren bidez onetsitako deialdi honetan: deialdia, batetik, Osasunbidea-Nafarroako Osasun Zerbitzuko arloko fakultatibo espezialistaren 283 lanpostu lehiaketa-oposizio bidez betetzeko eta, bestetik, hautaketa-proben bidez, lanpostu horietan jarduteko hautagaien zerrendak aldi baterako nahiz aldi baterako barne-sustapenaren bidez eratzeko. Hona hemen:
Honako hau dioen tokian:
“Oposizioa 2021eko maiatzean hasiko da. Izangai onartu eta baztertuen behin betiko zerrenda onesten duen ebazpenean zehaztuko da oposizioaldia zer toki, egun eta ordutan hasiko den.”
Honako hau behar du:
“Oposizioa 2021eko urrian hasiko da. Izangai onartu eta baztertuen behin betiko zerrenda onesten duen ebazpenean zehaztuko da oposizioaldia zer toki, egun eta ordutan hasiko den.”
2. Ebazpen hau Nafarroako Aldizkari Ofizialean argitara dadila agintzea.
3. Ebazpen honen aurka, ez baitu administrazio bidea amaitzen, gora jotzeko errekurtsoa jar daiteke, Osasuneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 126.1.c) eta 126.3 artikuluetan xedatutakoarekin bat eta Lehendakaritzako, Berdintasuneko, Funtzio Publikoko eta Barneko kontseilariaren abuztuaren 23ko 118/2019 Foru Aginduaren bidez eskuordetzan emandako eskumenak erabiliz.
Iruñean, 2020ko azaroaren 16an.–Osasunbidea-Nafarroako Osasun Zerbitzuko zuzendari kudeatzailea, Gregorio Achutegui Basagoiti.
Iragarkiaren kodea: F2013713
