1. NAFARROAKO FORU KOMUNITATEA
1.7. BESTELAKOAK
GARAPEN EKONOMIKO ETA ENPRESARIALEKO DEPARTAMENTUA Industriaren, Energiaren eta S3 Proiektu Estrategikoen Zuzendaritza Nagusia. Jendaurreko informazioaren tramitea: “Cierzo IV” eguzki instalazio fotovoltaikoa eta haren ebakuazio-azpiegiturak, EDP Renovables España SLUk sustatuak Castejongo eta Tuterako udal-mugarteetan.
Ingurumen ebaluazioari buruzko abenduaren 9ko 21/2013 Legearen 36. artikuluan eta energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan aurreikusitako ondorioetarako, jendaurrean jartzen da honako prozedura hau:
–Eskatzailea: EDP Renovables España, SLU.
–Instalazioen deskribapena: “Cierzo IV” eguzki instalazio fotovoltaikoa, 48,483 Mwp-koa, eta haren ebakuazio-azpiegiturak:
- 5041-CE esp.: “Cierzo IV” eguzki instalazio fotovoltaikoa, “El Rincón” 400/220/30 kV-eko azpiestazio elektrikoa, eta “El Rincón TAE-Castejón TAE” 400 kV-eko goi tentsioko aireko linea.
- SAT-11133 esp.: “SET Castejón Sustatzaileak” 400 kV-eko azpiestazio elektriko biltzailea.
–Xedea: proiektuaren informazio publikoa eta ingurumen-inpaktuaren azterketa, tramitazio prozedura hauek hastera begira:
- 5041-CE esp.: ingurumen-inpaktuaren ebaluazio arrunta egitea eta aurretiazko administrazio baimena eta eraikitzeko administrazio baimena lortzea.
- SAT-11133 esp.: ingurumen-inpaktuaren ebaluazio arrunta egitea eta aurretiazko administrazio baimena lortzea.
–Proiektua baimentzeko eskumena duen organoa: Industriaren, Energiaren eta S3 Proiektu Estrategikoen Zuzendaritza Nagusia.
Bi espedienteen informazioa ikusgai egonen da Industriaren, Energiaren eta S3 Proiektu Estrategikoen Zuzendaritza Nagusiko Industria Antolamenduaren, Azpiegitura Energetikoen eta Meatzeen Zerbitzuan, baita helbide honetan ere: https://gobiernoabierto.navarra.es/es/participacion/procesos/proyecto-instalacion-solar-fotovoltaica-cierzo-iv-expediente-5041-ce eta https://gobiernoabierto.navarra.es/es/participacion/procesos/expediente-sat11133 interesdunek azter dezaten eta, nahi izanez gero, bidezkotzat jotzen dituzten iradokizunak eta oharrak egin ditzaten.
Alegazioak, iradokizunak edo oharrak idatziz aurkeztu beharko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua; 31005 Iruña), 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.
Iruñean, 2020ko irailaren 25ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2011285
