2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BIDANKOZE
Udalbatzako kideen ordainsariak. Onespena
Bidankozeko Udalak, 2020ko urriaren 29an egin osoko bilkuran, ondotik ematen den erabakia hartu zuen.
Ikusi da Toki Araubidearen Oinarriei buruzko apirilaren 2ko 7/1985 Legearen 75. artikuluan toki entitateko kideen dedikazioari eta konpentsazioei buruz xedatutakoa.
Ikusi da, halaber, Toki Administrazioaren eta Despopulazioaren zuzendari nagusiak ekainaren 18an emandako 345/2020 Ebazpena, zeinaren bidez onesten baita eranskinean sartuak dauden udaletako bakoitzak jaso beharreko zenbatekoa ematea eta ordaintzea, Nafarroako udalentzako konpentsazio gisa, hautetsiei 2020ko ekitaldian emandako ordainketengatik. Konpentsazio hori, 3 zinegotzi dituzten udalen kasuan, 4.669,07 eurokoa da.
Horiek guztiak horrela, bada, Udalbatzak honako hau erabaki du, aho batez.
Lehena.–Ondoko araubide hau ezartzea, ondorioak 2020ko urtarrilaren 1etik aurrera dituela: Alkatea eta zinegotzia: osoko bilkuretara joateagatik eta aurreko prestaketa lanak egiteagatik, azken horien artean sartzen direla Udaleko batzordeen bilkuretara eta Erronkariko Ibaxaren Batzordera joatea, bilerak egitea Hondakinen Mankomunitatearekin, Cederna Garalurrekin, eta Udalarekin lotura duten beste entitate batzuekin, bai eta, oro har, bilkura bakoitzaren aurreko hiruhilekoan tramitatutako jarduketa guztiak ere: 500 euro bilkurako eta, gehienez ere, 2.334,5 euro urtean.
Bigarrena.–Erabaki hau Nafarroako Aldizkari Ofizialean eta Udalbatzaren iragarki-taulan argitaratzea, Toki Araubidearen Oinarriak arautzen dituen apirilaren 2ko 7/1985 Legearen 75. artikuluan ezarritakoari jarraituz.
Bidankozen, 2020ko azaroaren 2an.–Alkatea, Tomás Pasquel Ayechu.
Iragarkiaren kodea: L2013101
