1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
99C/2020 EBAZPENA, irailaren 25ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Nafarroako ardogintzaren industrien sektoreko hitzarmen kolektiboko soldatak 2020an berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.
Nafarroako ardogintzaren industrien sektoreko hitzarmen kolektiboko 2020ko urteko soldaten berrikuspenari buruzko akordioaren testua aztertu da (kode zenbakia: 31007605011981), erregistro honetan 2020ko irailaren 8an sartu zena, enpresaren ordezkariek (ANEVID eta UCAN) eta sindikatu batzuen (CCOO eta UGT) ordezkariek 2020ko urtarrilaren 21ean izenpetua eta 2020ko irailaren 11n zuzendua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluko 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko irailaren 25ean.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Nafarroako Ardogintzaren Industrien Sektorearen hitzarmen kolektiboa(PDFa).
Iragarkiaren kodea: F2011901
