1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
93C/2020 EBAZPENA, irailaren 25ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana. Honen bidez erabakitzen da Bacaicoa Industrias Plásticas SA enpresaren Orikaingo lantokirako hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Bacaicoa Industrias Plásticas SA enpresaren Orikaingo lantokirako hitzarmen kolektiboaren testua aztertu da (kode zenbakia: 31000802011983), erregistro honetan 2020ko uztailaren 30ean sartu zena, enpresaren ordezkariek eta sindikatuen ordezkariek 2020ko ekainaren 30ean izenpetu eta 2020ko abuztuaren 25ean zuzenduta, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko irailaren 25ean.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Bacaicoa Industrias Plásticas SA enpresaren hitzarmen kolektiboa Orikaingo lantegirako (PDFa).
Iragarkiaren kodea: F2011160
