2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
Deialdi publikoa, taxi-zerbitzuan ibilgailu ekologikoak sustatzeko eta segurtasun-elementuak eta elementu teknologikoak hobetzeko dirulaguntzak emateko. Laburpena (Iruñerriko Mankomunitateko buruaren 446/2020 Ebazpena, irailaren 11koa)
DDBN (Identifikazioa): 524901. Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraikiz, deialdiaren laburpena argitara eman da. (http://www.pap.minhafp.gob.es/bdnstrans/GE/eu/index).
Testu osoa Dirulaguntzen Datu Base Nazionalean kontsultatu daiteke (http://www.pap.minhap.gob.es/bdnstrans/index), egoitza elektronikoan (https://sedeelectronica.mcp.es/) eta bai Iruñerriko Mankomunitatearen gardentasun-webgunean ere (http://transparencia.mcp.es).
1. Xedea.
1.1. 1. ildo estrategikoa.–Ibilgailu ekologikoak sustatzea taxi-zerbitzuan.
Taxi-zerbitzuaren bidez ingurumena babesten laguntzea.
1.2. 3. ildo estrategikoa.–Taxiaren segurtasun-elementuak eta elementu teknologikoak hobetzea.
Taxiaren arloarekin lankidetzan aritzea, profesionalen eta erabiltzaileen segurtasuna bermatzeko beharrezkoak diren neurriak ezartzeko, eta bai emandako zerbitzuaren kalitate handiagoa ahalbidetzen duen hobekuntza teknologikoa bermatzeko ere.
2. Onuradun izateko betekizunak.
2.1. Pertsona fisikoak.
Onuradun izanen dira betekizun hauek betetzen dituztenak; izan ere, dirulaguntza justifikatu arte eutsi beharko zaie betekizun hauei:
–Iruñerrian taxi-zerbitzua batera emateko lurralde-eremuan aritzeko taxi-lizentzia baten titularra izatea.
–Dirulaguntzei buruzko Lege Orokorraren 13. artikuluan eta Dirulaguntzen ordenantzaren 10. artikuluan jasotako betekizunak betetzea.
–Dirulaguntzei buruzko Lege Orokorraren 14. artikuluan eta Dirulaguntzen ordenantzaren 11. artikuluan jasotako betekizun guzti guztiak betetzea.
2.2. Pertsona juridikoak edo elkarteak.
Era berean, dirulaguntzen onuradun izaten ahalko dira Iruñerrian taxi-zerbitzua batera emateko lurralde-eremuaren barnean aritzeko taxi-lizentzien titularren elkarteak edo pertsona juridikoak, dirulaguntza ematea funtsatu zuen jarduera gauzatuko dutenak edo dirulaguntza ematea bidezko bilakatzen duen egoeran daudenak.
Pertsona juridikoek edo elkarteek betekizun hauek bete beharko dituzte; izan ere, dirulaguntza justifikatu arte eutsi beharko zaie betekizun hauei:
–Dirulaguntzei buruzko Lege Orokorraren 13. artikuluan eta Dirulaguntzen ordenantzaren 10. artikuluan jasotako betekizunak betetzea.
–Dirulaguntzei buruzko Lege Orokorraren 14. artikuluan eta Dirulaguntzen ordenantzaren 11. artikuluan jasotako betekizun guzti guztiak betetzea.
3. Eskabideak aurkezteko tokia eta epea.
3.1. Eskabideak aurkezteko tokia.
Deialdian parte hartzeko eskabideak Iruñerriko Mankomunitatearen Erregistro Orokorrean aurkeztuko dira (Chinchilla Jeneralaren kalearen 7an, Iruñean). Edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetako batean aurkezten ahalko dira.
3.2. Eskabideak aurkezteko epea.
Eskabideak aurkezteko epea 2020ko urriaren 31n amaituko da, egun hori barne.
Iruñean, 2020ko irailaren 11n.–Mankomunitateko burua, David Campión Ventura.
Iragarkiaren kodea: L2011102
