4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Bake epaileen izendapena
Nafarroako Justizia Auzitegi Nagusiko Gobernu Salaren erabakia, Baztango Bake Epaitegiko epaile titularra izendatzeari buruzkoa.
Botere Judizialari buruzko Lege Organikoaren 101. artikulutik 103.era bitartekoetan xedatutakoari eta Bake Epaileei buruzko ekainaren 7ko 3/95 Erregelamenduan horiekin bat datozenetan xedatutakoari jarraikiz, Justizia Auzitegi Nagusiak 2019ko azaroaren 4an emandako ediktuan (2019ko azaroaren 18ko Nafarroako Aldizkari Ofiziala) eskaerak aurkezteko ezarritako epea bukaturik, aurkeztutako eskaerak jaso eta horiek aztertu ondoren, Gobernu Salak, eskatzaileek aurkeztu dituzten merezimenduak baloraturik,
ERABAKI DU:
María José Zaldua Elizalde eta Juan Carlos Arregi Porras jaun-andreak izendatzea Baztango Bake Epaitegiko bake epaile titular eta ordezko, hurrenez hurren.
Izendatzeko erabakiaren aurka, Bake Epaileei buruzko ekainaren 7ko 3/95 Erregelamenduaren 12. artikuluan eta horrekin bat datozenetan eta Auzitegietako Gobernu Organoei buruzko 1/2000 Erregelamenduaren 14. artikuluan xedatutakoarekin bat, gora jotzeko errekurtsoa jartzen ahal da, Botere Judizialaren Kontseilu Nagusiari zuzendua, hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeak ezartzen dituen arrazoiengatik eta moduetan.
Iruñean, 2020ko urtarrilaren 13an.–Gobernu idazkaria, Francisco Javier Isasi Barbier.
Iragarkiaren kodea: J2000976
