1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
33/2020 EBAZPENA, urtarrilaren 9koa, Nafarroako Unibertsitate Publikoko kudeatzaileak emana, merezimendu-lehiaketaren ondoren Alfredo Amatriain Martinez Nafarroako Unibertsitate Publikoko funtzionarioa Informatika Zerbitzuko Kudeaketa Korporatiboaren Ataleko buru izendatzen duena.
Nafarroako Unibertsitate Publikoko kudeatzailearen 1970/2019 Ebazpenaren bidez, Informatika Zerbitzuko Kudeaketa Korporatiboaren Ataleko burutza merezimendu-lehiaketaren bidez betetzeko deialdia onetsi zen.
Egin beharreko jarduketak amaituta, kalifikazio epaimahaiak, deialdiaren oinarriekin bat, izendapen-proposamena igorri du merezimendu-lehiaketa gainditu duen eta baldintza guztiak betetzen dituela egiaztatu duen izangai bakarraren alde.
Aurrekoa kontuan hartuta, eta deialdiaren 11. oinarrian aurreikusitakoarekin bat, bidezkoa da Alfredo Amatriain Martínezen izendapena egitea.
Aintzat harturik Giza Baliabideen Zerbitzuko zuzendariaren txosten proposamena.
Nafarroako Unibertsitate Publikoko errektoreak errektoretza-taldearen egitura orokorra onetsi eta bere funtzioak zehazteko uztailaren 3an eman zuen 1420/2019 Ebazpenaren bidez eskuordetu dizkidan eskumenak erabiliz,
EBATZI DUT:
Lehena.–Nafarroako Unibertsitate Publikoko funtzionario Alfredo Amatriain Martínez Informatika Zerbitzuko Kudeaketa Korporatiboaren Ataleko buru izendatzea. Merezimendu-lehiaketa bidez lortu du plantilla organikoan 243 zenbakia duen burutza hori.
Bigarrena.–Izendatutako izangaiak Giza Baliabideen Zerbitzuan jabetu beharko du burutzaz, izendapena jakinarazi eta hurrengo hamar egun naturaleko epean.
Hala egin ezean, esleitu dioten burutzan aritzeko eskubide guztiak galduko ditu, behar bezala egiaztatutako ezinbesteko kasuetan izan ezik.
Hirugarrena.–Izendapen hau Nafarroako Aldizkari Ofizialean argitaratzeko agindua ematea.
Laugarrena.–Ebazpen hau interesdunari helaraztea, eta Giza Baliabideen Zerbitzuko zuzendariari jakinaraztea, behar diren ondorioak izan ditzan.
Bosgarrena.–Ebazpen honek administrazio bidea amaitzen du, Unibertsitateei buruzko abenduaren 21eko 6/2001 Lege Organikoaren 6.4 artikuluan ezarritakoaren arabera, eta haren kontra zilegi da berraztertzeko errekurtsoa jartzea errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2020ko urtarrilaren 9an.– Kudeatzailea, Joaquín Romero Roldán.
Iragarkiaren kodea: F2000771
