2. ALDIZKARIA - 2020ko urtarrilaren 3a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1474/2019 EBAZPENA, abenduaren 13koa, Osasunbidea-Nafarroako Osasun Zerbitzuko zuzendari kudeatzaileak emana, Nafarroako Ospitaleguneko Kardiologiako Atal Asistentzialeko buru den Virginia Álvarez Asiain andrearen izendapena luzatzen duena, kargua bitarte baterako esleitu baitzitzaion merezimendu-lehiaketaren bidez.

Osasunbidea-Nafarroako Osasun Zerbitzuko zuzendari kudeatzailearen abenduaren 17ko 1535/2018 Ebazpenaren bidez, Virginia Álvarez Asiain andrea Nafarroako Ospitaleguneko kardiologiako Atal Asistentzialeko buru izendatu zen bitarte baterako, merezimendu-lehiaketaren bidez. Urtebeterako izendatu zuten, baina hiru urtez ere luzatzeko aukerarekin, karguaren jabetzatik hasita.

Virginia Álvarez Asiain andrea 2018ko abenduaren 24an jabetu zen postu horretaz.

Nafarroako Ospitaleguneko Zuzendaritza Asistentzialak eskaera egin du Nafarroako Ospitaleguneko Kardiologiako Atal Asistentzialeko buru den Virginia Álvarez Asiain andrearen bitarte baterako izendapena luzatzeko, zerbitzuaren beharrak direla eta.

Aurrekoa kontuan harturik, eta Osasuneko kontseilariaren irailaren 14ko 68/2016 Foru Aginduaren 5. artikuluan ezarritakoari jarraikiz, hartan ezartzen baita Osasunbidea-Nafarroako Osasun Zerbitzuan atal eta zerbitzu asistentzialetako burutzak bitarte baterako betetzeko prozedura, bidezkoa da Virginia Álvarez Asiain andrearen bitarte baterako izendapena luzatzea, Nafarroako Ospitaleguneko Kardiologiako Atal Asistentzialeko buru izaten jarrai dezan.

Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,

EBAZTEN DUT:

1. Nafarroako Foru Komunitateko Administrazioko eta haren erakunde autonomoetako funtzionario den Virginia Álvarez Asiain andrearen bitarte baterako izendapena, merezimendu-lehiaketaren bidezkoa, urtebete luzatzea, 2019ko abenduaren 24tik aurrera, Osasunbidea-Nafarroako Osasun Zerbitzuko Nafarroako Ospitaleguneko Kardiologiako Atal Asistentzialeko buru izaten jarrai dezan.

2. Ebazpen hau Virginia Álvarez Asiain andreari jakinaraztea, eta Nafarroako Ospitaleguneko Profesionalen Zuzendaritzari, Osasunbidea-Nafarroako Osasun Zerbitzuko Langileriaren Prozesu eta Ebaluazio Zerbitzuari eta Ordainsari eta Prestazioen Zerbitzuari igortzea, behar diren ondorioak izan ditzan.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2019ko abenduaren 13an.–Osasunbidea-Nafarroako Osasun Zerbitzuko zuzendari kudeatzailea, José Ramón Mora Martínez.

Iragarkiaren kodea: F1916097