195. ALDIZKARIA - 2020ko abuztuaren 31

3. ESTATUKO ADMINISTRAZIOA

EBROKO KONFEDERAZIO HIDROGRAFIKOA

Iragarki oharra. Erreferentzia: 2019-A-81

Jesús Astiz Eslavak honako datu eta ezaugarri hauek dituen ur publikoen aprobetxamendua eskatu du:

Ur-ibilgua: Errekaldea erreka-zuloa (Besaires ibaia).

Hargunearen udalerria: Tebas-Muru Artederreta (Nafarroa).

Hargunearen tokia: UTM ETRS89 (610987, 4728054), proiekzio-eremua: 30.

Erabileraren xedea: ureztatzea.

Erabileraren tokia: Tebas-Muru Artederretako udal-mugartea, 1. poligonoko 303. lurzatia (Nafarroa).

Batez besteko emari baliokidea kontsumo handieneko hilean (l/s): 0,003.

Gehieneko bolumena urtean: 29,9 m³.

Aprobetxamenduaren xedea da ura zuzenean hartzea Errekaldea erreka-zulotik, eskuinaldetik, 0,9 ZP-ko potentzia duen motoponpa baten bidez, 2,2 l/s-ko uneko gehieneko emariarekin. Ponpak 2 cm-ko diametroa duen hodi batetik bulkatuko du ura, 1 m³-ko 5 biltegitara eta 200 litroko 12 ontzitara, eta handik uholde bidezko ureztapena eginen da. Ura apiriletik irailera bitarte hartuko da, 0,1394 hektareako baratzea ureztatzeko.

Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza), bulego orduetan. Horretarako, hitzordua eskatu beharko da aldez aurretik 976 711 000 telefonoan edo informacionalciudadano@chebro.es helbide elektronikoan.

Zaragozan, 2020ko uztailaren 3an.–Komisario albokoa, Javier San Román Saldaña.

Iragarkiaren kodea: E2009322