1. NAFARROAKO FORU KOMUNITATEA
1.7. BESTELAKOAK
86/2020 EBAZPENA, uztailaren 28koa, Lanbide Heziketaren zuzendari nagusiak emana, zeinaren bidez ezartzen baita Lanbide Heziketako Teknikari tituluak lortzeko proben egutegia. Proba horien deialdia egin zen Lanbide Heziketaren zuzendari nagusiaren abenduaren 24ko 44/2019 Ebazpenaren bidez.
Lanbide Heziketaren zuzendari nagusiaren abenduaren 24ko 44/2019 Ebazpenaren bidez, Lanbide Heziketako Teknikari tituluak lortzeko probetarako deialdia egin zen, 2019-2020 ikasturterako.
Ebazpen horrek egun batzuk ezarri zituen lanbide moduluetako probak egiteko, 2020ko martxoaren 12tik ekainaren 9ra.
2020ko martxoaren 12an, Osasun Ministerioak autonomia erkidego guztiei gomendatu zien euste neurri indartuak hartzeko. Hezkuntzaren esparruari dagokionez, horrek esan nahi zuen irakaskuntzako jarduera presentziala eta hezkuntza arloko jarduera osagarriak bertan behera uztea hezkuntza maila guztietan.
Horren ondorioz, Osasuneko kontseilariaren martxoaren 13ko 3/2020 Foru Aginduaren bidez, osasun publikoko jarraibide eta prebentzio neurriak hartu ziren koronabirusaren (COVID-19) egoeraren eta bilakaeraren ondorioz. Foru agindu horretan agindu zen hezkuntza jarduera presentzial guztiak bertan behera uzteko ikastetxe eta ikasmaila guztietan, eskolako jarduerak zein eskolaz kanpokoak, zero urtetik hasi eta unibertsitate mailaraino, hori barne, hala ikastetxe publikoetan nola pribatuetan, baita hezkuntza arloko jarduera osagarriak ere. Horren ondorioz, lanbide moduluetako proba libreen deialdian egin gabe zeuden probak bertan behera utzi ziren, eta ezin izan ziren egin 2019-2020 ikasturtean.
Lanbide Heziketaren Plangintza eta Berrikuntzarako Zerbitzuko zuzendariak aldeko txostena eman du, ebazpen bat eman dadin egutegi berri bat ezartzearren lanbide moduluen probak egiteko. Proba horien deialdia egin zen abenduaren 24ko 44/2019 Ebazpenaren bidez, eta 2020ko lehen hiruhilekoan egitekoak ziren.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. Egutegi berri bat ezartzea lanbide moduluetako probak egiteko, ebazpen honen eranskinean ezartzen denari jarraikiz. Proba horien deialdia egin zen abenduaren 24ko 44/2019 Ebazpenaren bidez.
2. Ebazpen honen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
3. Ebazpen hau eta eranskina Nafarroako Aldizkari Ofizialean argitara daitezela agintzea.
4. Ebazpen hau igortzea, behar diren ondorioak izan ditzan, Hezkuntzako Ikuskapen Zerbitzura, Lanbide Heziketaren Plangintza eta Berrikuntzarako Zerbitzura, Lanbide Kualifikazio, Enpresa eta Enplegurako Zerbitzura, Kudeaketa Juridiko-administratiboaren Atalera, Ikastetxeetako Informazioa Kudeatzeko Bulegora eta, probak zein ikastetxetan eginen diren, ikastetxe horietara.
Iruñean, 2020ko uztailaren 28an.–Lanbide Heziketako zuzendari nagusia, Tomás Rodríguez Garraza.
1. ERANSKINA
Egutegi berria, lanbide moduluetako probak egin daitezen 2020-2021 ikasturtean. Proba horien deialdia egin zen abenduaren 24ko 44/2019 Ebazpenaren bidez, eta bertan behera utzi ziren 2019-2020 ikasturtean ezarritako osasun alertaren ondorioz
Erizaintzako zainketa lagungarriak.
MODULUAREN IZENA | PROBA EGITEKO EGUNA 2020. URTEA |
Lanerako prestakuntza eta orientabideak | 2020ko martxoan egin zen |
Lantaldeko harremanak | Irailaren 29a |
Administrazio eragiketak eta osasun arloko dokumentazioa | Urriaren 6a |
Pazientearentzako laguntza psikologikoa eta osasunaren sustapena | Urriaren 15a |
Erizaintzako oinarrizko teknikak | Urriaren 27a |
Ospitaleko higienea eta materialaren garbiketa | Azaroaren 12a |
Laguntza odontologikoaren/estomatologikoaren teknikak | Azaroaren 24a |
Mendekotasuna duten pertsonentzako arreta.
KODEA | MODULUAREN IZENA | PROBA EGITEKO EGUNA 2020. URTEA |
0210 | Mendekotasuna duten pertsonentzako arreta antolatzea | Irailaren 9a |
0211 | Gizarte trebetasunak | Irailaren 16a |
0214 | Komunikaziorako laguntza | Irailaren 23a |
0216 | Osasun laguntza | Irailaren 30a |
0217 | Arreta higienikoa | Urriaren 7a |
Osasun larrialdiak.
KODEA | MODULUAREN IZENA | PROBA EGITEKO EGUNA 2020. URTEA |
0061 | Oinarrizko patologia eta anatomofisiologia | Urriaren 8a |
0058 | Laguntza psikologikoa larrialdi egoeretan | Urriaren 22a |
0054 | Osasun ekipamendua | Azaroaren 5a |
0055 | Hasierako osasun arreta larrialdi egoeretan | Azaroaren 19a |
Mekanizazioa:
KODEA | MODULUAREN IZENA | PROBA EGITEKO EGUNA 2020. URTEA |
0008 | Laneko Prestakuntza eta Orientabideak | 2020ko martxoan egin zen |
0004 | Txirbil-harroketa bidezko fabrikazioa | Irailaren 16a |
0007 | Grafikoen interpretazioa | Irailaren 23a |
0001 | Mekanizazio-prozesuak | Irailaren 30a |
Kudeaketa administratiboa.
KODEA | MODULUAREN IZENA | PROBA EGITEKO EGUNA 2020. URTEA |
0437 | Enpresa komunikazioa eta bezeroarentzako arreta | 2020ko martxoan egin zen |
0449 | Lanerako prestakuntza eta orientabideak | Irailaren 15a |
0438 | Salerosketako administrazio eragiketak | Irailaren 22a |
0441 | Kontabilitateko teknika | Irailaren 24a |
NA04 | Oinarrizko ingelesa I | Irailaren 29a |
NA08 | Edukien kudeaketa web-orrietan | Urriaren 6a |
0448 | Diruzaintza kudeaketako eragiketa osagarriak | Urriaren 13a |
0440 | Informazioaren tratamendu informatikoa | Urriaren 20a |
0439 | Enpresa eta Administrazioa | Urriaren 22a |
0446 | Enpresa ikasgelan | Urriaren 27a |
0443 | Kontabilitateko dokumentazioaren tratamendua | Azaroaren 3a |
0156 | Ingelesa | Azaroaren 10a |
0442 | Giza baliabideen administrazio eragiketak | Azaroaren 17a |
Elektromekanikako mantentze-lanak.
KODEA | MODULUAREN IZENA | PROBA EGITEKO EGUNA 2020. URTEA |
0956 | Lanerako prestakuntza eta orientabideak | Irailaren 17a |
0949 | Fabrikazio teknikak | Irailaren 22a |
0950 | Loturako eta muntaketako teknikak | Irailaren 24a |
0952 | Automatismo pneumatikoak eta hidraulikoak | Irailaren 29a |
0954 | Muntaketa eta mantentze-lan elektriko-elektronikoa | Urriaren 6a |
0957 | Enpresa eta ekimena | Urriaren 8a |
0951 | Elektrizitatea eta automatismo elektrikoak | Urriaren 13a |
NA18 | Planoak interpretatzea makinen mekanizazioan eta mantentze-lanean | Urriaren 20a |
0953 | Muntaketa eta mantentze-lan mekanikoa | Urriaren 22a |
0955 | Linea automatizatuen muntaketa eta mantentze-lana | Urriaren 27a |
Beroa sortzeko instalazioak.
KODEA | MODULUAREN IZENA | PROBA EGITEKO EGUNA 2020. URTEA |
0036 | Makina eta tresneria termikoak | Irailaren 4a |
0037 | Instalazioak muntatzeko teknikak | Irailaren 11 |
0038 | Instalazio elektrikoak eta automatismoak | Irailaren 25a |
0393 | Gasaren eta erregai likidoen instalazioak muntatu eta mantentzea | Urriaren 1a |
0394 | Lanerako prestakuntza eta orientabideak | Urriaren 8a |
0392 | Eguzki-energiako instalazioak muntatzea eta mantentzea | Urriaren 15a |
Iragarkiaren kodea: F2008319
