1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2020ko abuztuaren 19an hartua, zeinaren bidez deklaratzen baita onura publikokoak direla, desjabetu ahal izateko, Galarko udal-mugarteko Comarca 2 industria eremuaren Udalez gaindiko Plan Sektoriala aldatzeko espedienteak, eta zeinaren bidez presakotzat jotzen baita aipatu UPSaren desjabetze proiektua gauzatzean ukitutako finken okupazioa, eta NASUVINSA enpresa deklaratzen baita desjabetzearen onuradun.
2020ko apirilaren 1ean, Nafarroako Lurzorua eta Etxebizitzak SA enpresak (aurrerantzean, NASUVINSA) honako hau eskatu zion Garapen Ekonomiko eta Enpresarialeko Departamentuari:
Onura publikoko deklara zitzala, desjabetu ahal izateko, Galarko udal-mugarteko Comarca 2 industria eremuaren Udalez gaindiko Plan Sektoriala aldatzeko espedienteak.
–Presakotzat jo zezala UPSaren honako hauen okupazioa: SS-3 azpisektoreko finkak ( “ARuble” Lurzoru urbanizagarriaren banaketa eremua), SS-2 azpisektoreari atxikitako sistema orokorra, berdegunea (“ARu” Hiri-lurzoru finkatugabearen banaketa eremua) eta haren kanpoko azpiegiturak (lurzoru urbanizaezina).
–NASUVINSA deklara zezala aipatu proiektua gauzatzean egin beharreko desjabetzearen onuradun.
Nafarroako Gobernuak 2001eko maiatzaren 14an hartutako Erabakiaren bidez (2001eko 77. Nafarroako Aldizkari Ofiziala, ekainaren 25ekoa), onetsi zen Galar Zendean industria eremu bat (Comarca 2 industria eremua) ezartzeko Udalez gaindiko Plan Sektoriala, Industria, Merkataritza, Turismo eta Lan Departamentuak sustaturik.
UPS honen helburua da bultzatzea industriarako lurzoru antolatua, zerbitzu eta azpiegiturez hornitua, Iruñerriaren inguruan jarduera industrialek bidea egin eta indarra har dezaten, Foru Komunitateko sarearen industriarako lurzoru publikoa osatzearren.
Nafarroako Gobernuak, 2020ko otsailaren 19an egindako osoko bilkuran, onetsi zituen Galarko udal-mugarteko Comarca 2 industria eremuaren Udalez gaindiko Plan Sektoriala aldatzeko espedienteak. Sustatzaileak Nafarroako Lurzorua eta Etxebizitzak SA sozietate publikoa eta Galar Zendeako Udala ziren.
Desjabetzearen bidez gauzatuko da jarduketa, eta xede ditu SS-3 azpisektoreko finkak (“ARuble” Lurzoru urbanizagarriaren banaketa eremua), SS-2 azpisektoreari atxikitako sistema orokorra, berdegunea (“ARu” Hiri-lurzoru finkatugabearen banaketa eremua) eta haren kanpoko azpiegiturak (lurzoru urbanizaezina), hala baitago identifikatuta NASUVINSAk, 2020ko apirilaren 1ean, Garapen Ekonomiko eta Enpresarialeko Departamentuan aurkeztutako eskabidean.
Industria eremu hori handitu beharra dago, agortu egin delako inguruan dagoen lurzoru publiko antolatua. Hori dela eta, gaur egun oztopatu egiten dira enpresak eremu horretara eraman eta erakartzeko lanak, eta, gainera, baztertu egiten dira eskualdeko kanpoko inbertsioak.
Industria lurzoru publikoa sustatzeko jarduera guztietan bezala, ekimen pribatuaren garapena bideraezina da, zenbait inguruabar tarteko, eta, horrez gain, gaur egun dagoen eskaintza eskasaren prezioak kontrolatu behar dira, industria jarduerarako prestatutako lurzorua sortuz. Horrek guztiak justifikatzen du garapena interes publikokoa eta, gainera, presakoa izatea.
Garapen honen helburuak dira apirilaren 5eko 84/1990 Foru Dekretuan definitutakoak (foru dekretu horren bidez onetsi ziren Nafarroan industrialdeak eta industria jarduerak ezartzeko arauak), eta bat datoz honako hauetan ezarritako helburuekin: Lurraldearen Antolamenduari eta Hirigintzari buruzko Foru Legea (1/2017 Legegintzako Foru Dekretua, uztailaren 26koa, Lurraldearen Antolamenduari eta Hirigintzari buruzko Foru Legearen testu bategina onesten duena), Nafarroako Lurralde Estrategia, Lurralde Antolamenduko Proiektua: LAP-3, “Eremu Zentrala” eta lurzoruaren eta desjabetzeen arloko legeria indarduna.
Esku-hartzearen onura publikoa eta okupatu beharra inplizituki ulertzen da gauzatzen den hirigintzako tresnaren onespenean (LAHFLren 81. artikulua), nahiz eta ez duen adierazpen esplizitua galarazten.
Desjabetzea presakoa dela deklaratzeari dagokionez, beharrezkoa da, ez bakarrik aurretik adierazitako lurzoru eskasiaren egungo inguruabarrengatik, baizik eta jarduera handitzea aurreikusten delako hirigunearen ondoko lurretan.
Adierazitakoarekin bat, Nafarroako Gobernuak, Garapen Ekonomiko eta Enpresarialeko kontseilariak proposaturik,
ERABAKITZEN DU
1. Onura publikoko deklaratzea, desjabetu ahal izateko, Galarko udal-mugarteko Comarca 2 industria eremuaren Udalez gaindiko Plan Sektoriala aldatzeko espedienteak.
2. Presakotzat jotzea aipatu proiektuaren desjabetze proiektua gauzatzean ukituko diren finken okupazioa, Nahitaezko Desjabetzeari buruzko Legearen 52. artikuluan ezarritako ondorioetarako.
3. NASUVINSA deklaratzea aipatu proiektua gauzatzean egin beharreko desjabetzearen onuraduna.
4. Erabaki hau igortzea, behar diren ondorioak izan ditzan, NASUVINSAri eta Industriaren, Energiaren eta S3 Proiektu Estrategikoen Zuzendaritza Nagusiari.
5. Erabaki hau Galar zendeako Udalari jakinaraztea, eta adieraztea erabakiak amaiera ematen diola administrazio bideari eta bere kontra administrazioarekiko auzi-errekurtsoa aurkezten ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, erabakia jakinarazi eta biharamunetik bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
6. Erabaki hau Nafarroako Aldizkari Ofizialean argitaratzea, orok jakin dezan.
Iruñean, 2020ko abuztuaren 19an.–Nafarroako Gobernuko kontseilari-idazkaria, Javier Remírez Apesteguía.
Iragarkiaren kodea: F2009544
