Iragarkia

192. ALDIZKARIA - 2020ko abuztuaren 28a

1. NAFARROAKO FORU KOMUNITATEA

1.7. BESTELAKOAK

270/2020 EBAZPENA, abuztuaren 17koa, Hezkuntza Baliabideen zuzendari nagusiak emana, ebazten duena Haur Hezkuntzako bigarren zikloko, Lehen Hezkuntzako, Batxilergoko, Hezkuntza Bereziko, DBHko eta Lanbide Heziketako hezkuntza itunak aldatzea, 2020-2021 ikasturterako.

Uztailaren 19ko 503/2018 Ebazpenaren bidez (146. Nafarroako Aldizkari Ofiziala, uztailaren 30ekoa), Haur Hezkuntzako bigarren zikloko eta Batxilergoko hezkuntza itunak onetsi ziren, 2018-2019 ikasturterako, lau urterako. 637/2018 Ebazpenak, irailaren 17koak (195. Nafarroako Aldizkari Ofiziala, urriaren 8koa,) aipatu ituna zabaldu zuen.

Uztailaren 3ko 426/2019 Ebazpenak (151. Nafarroako Aldizkari Ofiziala, abuztuaren 5ekoa) itun horiek aldatu zituen (irailaren 19ko 67/2019 Ebazpenak aldaketa bat egin zuen ebazpen hartan).

Maiatzaren 22ko 232/2015 Ebazpenaren bidez (117. Nafarroako Aldizkari Ofiziala, ekainaren 18koa), Lehen Hezkuntzako hezkuntza itunak onetsi ziren, sei urterako, martxoaren 23ko 133/2015 Ebazpenak emandako arauei jarraikiz (63. Nafarroako Aldizkari Ofiziala, apirilaren 1ekoa).

2015-2016 ikasturtean aldatu egin ziren, irailaren 25eko 117/2015 Ebazpenaren bidez.

2016-2017 ikasturterako, ekainaren 29ko 445/2016 Ebazpenaren bidez itundutako unitateak aldatu ziren (152. Nafarroako Aldizkari Ofiziala, abuztuaren 8koa).

2017-2018 ikasturterako, uztailaren 31ko 649/2017 Ebazpenaren bidez itundutako unitateak aldatu ziren (167. Nafarroako Aldizkari Ofiziala, abuztuaren 30ekoa).

2018-2019 ikasturterako, ekainaren 28ko 461/2018 Ebazpenaren bidez itundutako unitateak aldatu ziren (137. Nafarroako Aldizkari Ofiziala, uztailaren 17koa).

2019-2020 ikasturterako, uztailaren 3ko 426/2019 Ebazpenaren bidez itundutako unitateak aldatu ziren (151. Nafarroako Aldizkari Ofiziala, abuztuaren 5ekoa).

Abuztuaren 8ko 494/2019 Ebazpenaren bidez (146. Nafarroako Aldizkari Ofiziala, uztailaren 30ekoa) hezkuntza itunak onetsi ziren maila hauetan, 2019-2020 ikasturterako eta lau urteko epe baterako: Derrigorrezko Bigarren Hezkuntza, Hezkuntza Berezia, Oinarrizko Lanbide Heziketa eta Lanbide Heziketako erdi eta goi mailako heziketa zikloak. (168. Nafarroako Aldizkari Ofiziala, abuztuaren 27koa).

Hezkuntza Baliabideen zuzendari nagusiaren otsailaren 12ko 37/2020 Ebazpenaren bidez, Haur Hezkuntzako bigarren zikloko, Oinarrizko Hezkuntzako, Batxilergoko eta Lanbide Heziketako hezkuntza itunak aldatzeko arauak eman ziren, 2020-2021 ikasturterako.

Aurkeztu diren eskaerak eta alegazioak ikusirik, abenduaren 14ko 416/1992 Foru Dekretuaren bidez onetsi zen Hezkuntza Itunei buruzko Arauen Erregelamenduaren 46. artikuluan xedatutakoaren arabera.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz.

EBAZTEN DUT:

1. Haur Hezkuntzako bigarren zikloko, Oinarrizko Hezkuntzako, Batxilergoko eta Lanbide Heziketako hezkuntza itunen aldaketa onestea, 2020-2021 ikasturterako.

2. Batxilergoa ematen duten ikastetxeetan, unitateen ituna ordu komunei dagokien ratioa handitu gabe aurreikusi da, salbu eta Lizarrako Nuestra Señora del Puy ikastetxean, eta Iruñeko Nuestra Señora del Huerto ikastetxean eta Fundación Educativa Jesuitinas fundazioan, horiekin itundutako unitateak eranskinean adierazita baitaude. 2020ko iraileko matrikula egiazkoa ikusi eta gero, hezkuntza maila horretako itunaren ordutegi-aldaketak eginen dira, hala badagokio.

3. Derrigorrezko bigarren hezkuntza emate den ikastetxeetan, unitateen ituna ordu komunei dagokien ratioa handitu gabe aurreikusi da, salbu eta Tafallako Garcés de los Fayos Ikastolan eta Irabia-Izaga Ikastetxean. 2020ko iraileko matrikula egiazkoa ikusi eta gero, hezkuntza maila horretako itunaren ordutegi-aldaketak eginen dira, hala badagokio.

4. Ebazpen honen bidez hezkuntza itunetan onetsi diren aldaketak eginbide baten bitartez formalizatuko dira; hura, alde batetik, Hezkuntza Baliabideen zuzendari nagusiak izenpetuko du, eta, bestetik, ikastetxeetako titularrek edo behar bezala akreditatutako legezko ordezkariak.

5. Ikastetxeen Finantzaketaren eta Ikasketetarako Laguntzen Atalak interesdunei jakinaraziko die aurreko puntuan aipatutako eginbidea sinatzera zein egun eta tokitan agertu behar duten.

6. Ebazpen hau jakinaraztea ikastetxe interesdunei. Ebazpen honen aurka ikastetxe interesdunek gora jotzeko errekurtsoa jar dezakete, Hezkuntzako kontseilariari zuzendua, jakinarazi eta biharamunetik hilabeteko epean.

7. Ebazpen hau eta eranskinak Nafarroako Aldizkari Ofizialean argitara daitezela agintzea.

8. Ebazpen hau eta eranskina igortzea Hezkuntza Departamentuko kontu-hartzailetza delegatura, Hezkuntza Baliabideen zuzendari nagusiari, Hezkuntza Departamentuko Idazkaritza Tekniko Nagusira, Ikuskapen Zerbitzura, Inklusio, Berdintasun eta Bizikidetza Zerbitzura, Lanbide Heziketaren Plangintza eta Berrikuntzarako Zerbitzura, Lanbide Kualifikazio, Enpresa eta Enplegurako Zerbitzura, Lanbide Heziketaren Plangintza, Ikastetxeen Finantzaketaren eta Ikasketetarako Laguntzen Atalera eta Itunpeko eta Diruz Lagundutako Ikastetxeetako Nominen Bulegora, behar diren ondorioak izan ditzan.

Iruñean, 2020ko abuztuaren 17an.–Hezkuntza Baliabideen zuzendari nagusia, Begoña Unzué Vela.

Iragarkiaren kodea: F2009369