Iragarkia

183. ALDIZKARIA - 2020ko abuztuaren 18a

3. ESTATUKO ADMINISTRAZIOA

ESTATUKO ADMINISTRAZIO OROKORRA

Jendaurrean jartzea honako proiektu hau, soilik desjabetzeen ondorioetarako: “Lodosako lotunea lotune osoa bihurtzea. AP-68 autobidea. 164+200 KP. Nafarroako eta Errioxako probintziak”. Gakoa: T5-NA-9910

Errepideetako Zuzendaritza Nagusiak, 2020ko uztailaren 29an emandako Ebazpenaren bidez,

honakoa ebatzi du:

1. Behin-behinekoz onestea trazadura proiektu gisa honako eraikuntza proiektu hau: “Lodosako lotunean lotune osoa bihurtzea. AP-68 autobidea. 164+200 KP” (gakoa: 95-NA-9910), 2020ko uztailean idatzia; lizitaziorako oinarrizko aurrekontua 3.554.384,13 eurokoa da, kontuan hartu gabe BEZaren 746.420,67 euroko kopurua (%21). Hauek dira bete beharreko aginduak:

–Zerbitzuak berrezartzeko lanen tramitazioari jarraipena emanen zaio, 1994ko martxoaren 7ko “Zerbitzuen aldaketa obra proiektuetan” izeneko zirkularrarekin bat.

–Nafarroako Gobernuko Herri-lanen eta Azpiegituren Zuzendaritza Nagusiari eta Baso Plangintzarako eta Ingurumen Hezkuntzarako Atalari eskatuko zaie idatziz eman diezaiotela adostasuna azkenean garatu den soluzioari, eta, abelbidea berrezartzeko baliatuko diren landa bideen titularra den administrazioari, berriz, aldez aurreko baimena eman dezala.

2. Proiektua presakoa dela deklaratzea, azaroaren 8ko 18/2018 Errege Lege-dekretuak aldatu zuen Errepideei buruzko irailaren 29ko 37/2015 Legearen 12.2 artikuluan aurreikusitakoa aplikatuz; hortaz, tramite hau jendaurrean jartzea dela ulertuko da, proiektuaren exekuzioak ukitutako ondasun eta eskubideen presako okupazioa deklaratu aurrekoa.

3. Agintzea Estatuko Errepideen Aragoiko Barrutiak ireki dezala proiektua jendaurrean jartzeko espedientea, Administrazio Publikoen Administrazio Prozedura Erkideari buruzko urriaren 1eko 39/2015 Legearekin bat, soilik desjabetzeen ondorioetarako, 1954ko abenduaren 16ko Nahitaezko Desjabetzeari buruzko Legearen 17., 18. eta 19.1 artikuluetan eta haiekin lotura duten erregelamenduko artikuluetan okupatu beharraz ezartzen duten guztia betetzeko. Jendaurreko epea hogei (20) egun baliodunekoa izanen da, erregelamenduzko azken argitalpena egin eta ondoko lehen egun baliodunetik hasita. Tramite honetan egiten diren alegazioak eta oharrak aintzat hartzen ahalko dira, soilik, kasu hauetan: okupatu beharrari buruzkoak badira, edo argitaratutako ondasun eta eskubideen zerrenda zuzentzeko edo okupatu beharrari aurka egiteko helburua badute, azken horretan funts edo forma arrazoiengatik.

4. Agintzea Estatuko Errepideen Barrutiak bete ditzala behar diren tramite guztiak onespeneko ebazpena eta zerrenda, 1954ko abenduaren 16ko Nahitaezko Desjabetzeari buruzko Legearen 17. artikuluan aipatzen dena, argitara daitezen Estatuko Aldizkari Ofizialean, Nafarroako Aldizkari Ofizialean, Errioxako Aldizkari Ofizialean eta bi probintzia horietako bakoitzean zabalkunde handiena duten egunkarietako batean; horrez gain, desjabetu beharrekoak zer udal-mugartetan dauden, udal horiei ere komunikatu zaie, iragarki-taulan jar dezaten (legearen 18.2 artikulua). Zerrendan jabeen edo haien ordezkarien izenak adieraziko dira, baita bizilekua eta helbidea ere.

5. Agintzea Estatuko Errepideen Aragoiko Barrutiak adieraz dezala non jarriko duen ikusgai espedientea, zeina, kasu guztietan, eskatzen dutenek eskuratzen ahalko baitute Garraioetako, Mugikortasuneko eta Hiri Agendako Ministerioaren egoitza elektronikoan, bitarteko elektronikoak erabiliz, Administrazio Publikoen Administrazio Prozedura Erkideari buruzko urriaren 1eko 39/2015 Legearen 83. artikuluarekin bat.

Proiektuaren dokumentazioa toki hauetan kontsultatzen ahalko da hitzordua eskatu ondoren: Estatuko Errepideen Aragoiko Barrutia, Santa Cruz plaza, 17-19, Zaragoza; Estatuko Errepideen Errioxako Barrutia, Duques de Nájera, 49-1.a D, Logroño; ukitutako toki korporazioetan, hau da, Ausejon (Errioxa) eta Lodosan (Nafarroa); eta Sustapen Ministerioaren web orrian (https://www.mitma.gob.es/el-ministerio/buscador-participacion-publica).

Aipatutako epean, eta aipatutako legeez baliatuz, Estatuko errepideen barruti horietan aurkezten ahalko dira, idatziz, aipatutako proiektuari dagokionez egokitzat jotzen diren alegazioak eta oharrak, edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan eta Azken Xedapenetako Zazpigarrenean aipatzen diren sistemetako edozein erabiliz. Oharrek lotura baldin badute Errepideei buruzko irailaren 29ko 37/2015 Legearen 12. artikuluarekin eta irailaren 2ko 1812/1994 Errege Dekretuaren bidez onetsitako erregelamendukoekin, gai hauek jorratu beharko dituzte: errepidearen interes orokorraren deklarazioa justifikatzen duten inguruabarrak, eta trazaduraren kontzepzio orokorra.

Interesdunek behar diren datu eta alegazioak aurkezten ahalko dituzte argitaratutako ondasun eta eskubideen zerrendan egindako akatsak zuzentzeko, edo okupatu beharrari aurka egiteko, funtseko edo formako arrazoiengatik; bigarren kasuan, arrazoiak adierazi beharko dira, beste ondasun batzuk okupatzea edo beste eskubide batzuk, zerrendan ez daudenak, eskuratzea lehentasunezkotzat jotzeko, lortu nahi den xederako egokiagoak direlakoan.

Ukitutako ondasun eta eskubideen zerrenda erantsita dago, udalerriz udalerri zehaztuta.

Aditzera ematen dut orok jakin dezan.

Zaragozan, 2020ko abuztuaren 6an.–Barrutiko ingeniari burua, Rafael López Guarga.

Iragarkiaren kodea: E2009216