3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki-oharra. Erreferentzia: 2018-A-49
Viana I Ureztatzaile-elkarteak eskatu du ondotik aipatzen diren ur publikoen aprobetxamendu eta eskubideetan aldaketa hauek egitea:
–353 l/s-ko uneko emaria, honako honen eskubidearen zati bati dagokiona: 450 l/s-ko(16 h egunean) ur emaria Ebro ibaitik ateratzeko eskubidea, Vianako udal-mugartean 533 hektarea ureztatzeko, Vianako Udalari emana Ministerioaren 1946ko urtarrileko agindu baten bidez (Aprobetxamenduen Liburuan inskribatutako eskubidea, 26.186 zenbakiarekin), eta Perezuelasko erreka-zulotik ura ateratzeko eskubideak, 62 eta 208 hektarea ureztatzeko, Viana Ureztatzaile-elkarteari onartuak Ministerioaren 1950eko martxoaren 28ko agindu baten bidez (Aprobetxamenduen Liburuan inskribatutako eskubideak, 28.054 eta 28.055 zenbakiekin); aldaketaren ondorioz, bakar batean bilduko dira, Viana I Ureztatzaile-elkartearen izenean. Bateratutako eskubide honen urak Ebro ibaitik atera eta ETRS89 H30T, UTMX: 4.702.511 koordenatu puntuan dagoen ponpaketa-estaziotik eramanen dira elkartearen erreten nagusiraino. Erreten horretan sartuko da, grabitatez eta noizbehinka, Perezuelasko erreka-zulotik hartutako ura, gehienez ere 100 l/s-ko emaria, Las Cañas urtegiaren bidez. Urtean hartzeko eskatzen den ur bolumena, 2013.451 m³-koa, 1.369 hektarea ureztatzeko erabiliko da Vianako udal-mugartean. Hektarea horietatik, 309 grabitatez ureztatuko dira (La Granja inguruan), eta beste 1.060 hektareak presioz, kota altuagoko toki batean; horretarako, erregulaziorako bi putzu eginen dira, 15.623 m³-koa eta 6.099 m³-koa, hurrenez hurren.
–Vianako Ureztatzaile-elkarteari Ministerioaren 1950eko martxoaren 28ko agindu baten bidez onartutako eskubideak, ura hartzeko Valdibáñez (28.060 inskripzioa), Valdearas (28.061) eta Cornaba (28.065 eta 28.066) erreka-zuloetatik, Vianako udal-mugartean ureztaketak egiteko; Valdibañez erreka-zuloko hargunea uretan behera mugituko da, Valdearas erreka-zuloan harguneak bat izatetik hiru izatera pasako dira, jatorrizkotik uretan behera, eta Cornaba erreka-zuloan bakarra geldituko da, lehengo bietatik uretan gora; guztietan murriztuko dira aurreko emaria eta azalera ureztagarria, eta ezaugarriak honela geldituko dira:
Valdibáñez erreka-zuloa:
Hargunearen koordenatuak: ETRS 89, H-30, UTMX: 550731 UTMY: 4707599.
Uneko emaria: 105 l/s.
Bolumena urtean: 68.400 m³.
Eremu ureztagarria: 8,55 ha.
Valdearas erreka-zuloa:
1. hargunearen koordenatuak: ETRS 89, H-30, UTMX: 551075 UTMY: 4707134.
Uneko emaria: 30 l/s.
Bolumena urtean: 18.160 m³.
Eremu ureztagarria: 2,27 ha.
2. hargunearen koordenatuak: ETRS 89, H-30, UTMX: 551583 UTMY: 4704321.
Uneko emaria: 215 l/s.
Bolumena urtean: 255.200 m³.
Eremu ureztagarria: 31,90 ha.
3. hargunearen koordenatuak: ETRS 89, H-30, UTMX: 550992 UTMY: 4706905.
Uneko emaria: 135 l/s.
Bolumena urtean: 192.800 m³.
Eremu ureztagarria: 24,10 ha.
Cornaba erreka-zuloa:
Hargunearen koordenatuak: ETRS 89, H-30, UTMX: 555759 UTMY: 4709281.
Uneko emaria: 90 l/s.
Bolumena urtean: 62.320 m³.
Eremu ureztagarria: 7,79 ha.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza), bulego orduetan. Horretarako, hitzordua eskatu beharko da aldez aurretik 976 711 000 telefonoan edo informacionalciudadano@chebro.es helbide elektronikoan, bai eta espedientearen kopia eta dokumentazio teknikoa Iruñeko Bulegoetan (Serafín Olave kalea 7), bulego orduetan.
Zaragozan, 2020ko uztailaren 3an.–Komisario albokoa, Javier San Román Saldaña.
Iragarkiaren kodea: E2007413
