2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ABLITAS
Zinegotzi ordezkarien izendapena
Ablitasko Udaleko alkate udalburuaren ekainaren 26ko 102/2020 Ebazpenaren bidez, Ablitasko Udaleko zinegotzi ordezkarien izendapena erabakitzen da.
Ikusirik Toki Araubidearen Oinarriei buruzko Legearen 23. artikuluak eta Toki Entitateen Antolaketaren eta Funtzionamenduaren gaineko Erregelamenduaren 43. artikuluak eta harekin bat datozenek alkateari ematen dizkioten eskudantziak.
EBAZTEN DUT:
Lehenbizikoa.–Alkatetzari halako alor batzuetan dagozkion eskumenak, inoren eskuan utz ez daitezkeenak salbu, zinegotzi hauen eskuan uztea:
–Don Carlos Bonel Soto: Jaietako, Komunikazioko eta Herritarren Parte-hartzeko zinegotzi ordezkaria.
–Don David Soto Ruiz: Kiroleko, Ogasuneko, Ekonomiako eta Kontuen Batzorde Bereziko zinegotzi ordezkaria.
–Doña Rocío Arriazu Romeo: Hezkuntzako, Kulturako, Osasuneko, Berdintasuneko eta Gizarte ongizateko zinegotzi ordezkaria.
–Don Alberto Sada Gil: Industriako eta Ingurumeneko zinegotzi ordezkaria.
Esku emate hauetan sartzen da bai zerbitzuak zuzentzeko ahalmena bai haien kudeaketa orokorra, hirugarrenei eragiten dieten administrazio egintzen bidez ebaztekoa barne
Bigarrena. Zinegotzi ordezkariei jakinaraztea Alkatetza honek, AFEaren 115. artikulua betez, informazioa jasoko duela haien eskuan utzitako eginkizunen kudeaketaz eta eskuordetzea erabiliz emandako egintzez eta xedapenez. Orobat, erabaki garrantzizkoak hartu behar direnean, Alkatetzari aitzinetik emanen zaio horren berri. Alkatetza honek eskuordetzea ezeztatzen edo aldatzen ahalko du, eginkizunetako ordezpena emateko erabili diren formalitate berberen bidez. Delegatuen egintzak Alkatetza esku emaileak egintzat hartuko dira. Horrenbestez, Alkatetzak ebatzi beharko ditu egintza horien kontra aurkezten diren berraztertzeko errekurtsoak.
Hirugarrena. Ebazpen hau jakinaraztea Carlos Bonel Soto jaunari, David Soto Ruiz jaunari, Rocío Arriazu Romeo andreari eta Alberto Sada Gil jaunari, eta horren berri ematea Udalbatzari.
Ebazpen honen aurka honako hauek aurkezten ahalko dira:
1.–Berraztertzeko errekurtsoa, ebazpen hau eman duen organoari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
2.–Administrazioarekiko auzi-errekurtsoa, zuzenean arlo bereko epaitegiari zuzendua, bi hilabeteko epean, ebazpen hau Nafarroako Aldizkari Ofizialean argitaratu eta biharamunetik aitzina, Administrazioarekiko auzien jurisdikzioa arautzen duen uztailaren 13ko 29/1998 Legeko 8.1 artikuluak agintzen duenaren arabera.
3.–Orobat, eta aukeran, zuzenean gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau Nafarroako Aldizkari Ofizialean argitaratu eta biharamunetik hasita.
Ablitasen, 2020ko ekainaren 29an.–Alkate udalburua, Carmelo Arriazu Serrano.
Iragarkiaren kodea: L2006932
