1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
61E/2020 EBAZPENA, uztailaren 6koa, Lurralde Antolamenduko zuzendari nagusiak emana. Honen bidez xedatzen da Nafarroako Aldizkari Ofizialean argitara dadila martxoaren 13ko 37E/2020 Foru Agindua, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Murillo el Frutoko Udal Plan Orokorra aldatzeko espedientea, baratzeetako eremuko (La Tranca eta El Amplo parajeak) lurzoru urbanizaezinaren kategoriari eta Hirigintzako Araudi Partikularraren 117. artikuluari (lanabesak gordetzeko etxolak) dagokiena. Sustatzailea Murillo el Frutoko Udala da.
Lurralde Antolamenduko, Etxebizitzako, Paisaiako eta Proiektu Estrategikoetako kontseilariaren martxoaren 13ko 37E/2020 Foru Aginduaren bidez behin betiko onetsi zen Murillo el Frutoko Udal Plan Orokorra aldatzeko espedientea, baratzeetako eremuko (La Tranca eta El Amplo parajeak) lurzoru urbanizaezinaren kategoriari eta Hirigintzako Araudi Partikularraren 117. artikuluari (lanabesak gordetzeko etxolak) dagokiena, Murillo el Frutoko Udalak sustatua. Nafarroako Aldizkari Ofizialean argitaratzeko baldintza zen aldaketaren testu bategina aurkeztea, eta bertan jaso behar ziren foru agindu horretan adierazitako zuzenketak.
Eskatutako testu bategina aurkeztu denez, eta kontuan hartuz Lurralde eta Paisaia Zerbitzuak aldeko txostena eman duela, bidezkoa da behin betiko onespenari buruzko foru agindu hori argitaratzea.
Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuak ematen dizkidan ahalmenak erabiliz,
EBAZTEN DUT:
1. Nafarroako Aldizkari Ofizialean argitara dadila martxoaren 13ko 37E/2020 Foru Agindua, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Murillo el Frutoko Udal Plan Orokorra aldatzeko espedientea, baratzeetako eremuko (La Tranca eta El Amplo parajeak) lurzoru urbanizaezinaren kategoriari eta Hirigintzako Araudi Partikularraren 117. artikuluari (lanabesak gordetzeko etxolak) dagokiena. Sustatzailea Murillo el Frutoko Udala da. Testu osoa jaso da ebazpen honen eranskinean.
2. Ebazpen honek ez du administrazio bidea amaitzen eta espedientean interesa dutenek, administrazio publikoek izan ezik, horren kontra gora jotzeko errekurtsoa jartzen ahal dute, Nafarroako Gobernuari zuzendua, hilabeteko epean.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epeak ebazpen hau Nafarroako Aldizkari Ofizialean argitaratu eta biharamunetik aurrera kontatuko dira.
3. Ebazpen hau Murillo el Frutoko Udalari igortzea eta Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2020ko uztailaren 6an.–Lurralde Antolamenduko zuzendari nagusia, Izaskun Abril Olaetxe.
ERANSKINA
Martxoaren 13ko 37E/2020 Foru Agindua, Lurralde Antolamenduko, Etxebizitzako, Paisaiako eta Proiektu Estrategikoetako kontseilariak emana, behin betiko onesten duena Murillo el Frutoko Udal Plan Orokorra aldatzeko espedientea, baratzeetako eremuko (La Tranca eta El Amplo parajeak) lurzoru urbanizaezinaren kategoriari eta Hirigintzako Araudi Partikularraren 117. artikuluari (lanabesak gordetzeko etxolak) dagokiena. Sustatzailea Murillo el Frutoko Udala da.
Murillo el Frutoko Udalak idazpuruan azaltzen den espedientea aurkeztu du Lurralde Antolamenduko, Etxebizitzako, Paisaiako eta Proiektu Estrategikoetako Departamentuan, behin betiko onets dadin.
Ikusita aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea eta determinazio hau gehitzea “baratzeetako eremuko lurzoru urbanizaezinaren” araudiari: “Berotegietarako baimendutako eraikuntza jardueran ezin izanen da ez zimendurik ez beste inolako fabrika obrarik erabili”. Hori testu bategin batean jaso beharko da, Udaleko idazkaritzak ziurtatuko du eta departamentu honi bidaliko zaio gehienez ere hiru hilabeteko epean.
Adierazitakoarekin bat eta Lurralde Antolamenduko, Etxebizitzako, Paisaiako eta Proiektu Estrategikoetako Departamentuaren egitura organikoa ezartzen duen urriaren 30eko 262/2019 Foru Dekretuari jarraikiz,
AGINTZEN DUT:
1. Behin betiko onestea Murillo el Frutoko Udal Plan Orokorra aldatzeko espedientea, baratzeetako eremuko (La Tranca eta El Amplo parajeak) lurzoru urbanizaezinaren kategoriari eta Hirigintzako Araudi Partikularraren 117. artikuluari (lanabesak gordetzeko etxolak) dagokiena, Murillo el Frutoko Udalak sustatua, eta determinazio hau gehitzea “baratzeetako eremuko lurzoru urbanizaezinaren” araudiari: “Berotegietarako baimendutako eraikuntza jardueran ezin izanen da ez zimendurik ez beste inolako fabrika obrarik erabili”. Hori testu bategin batean jaso beharko da, Udaleko idazkaritzak ziurtatuko du eta departamentu honi bidaliko zaio gehienez ere hiru hilabeteko epean.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa aurkezten ahalko dute, Nafarroako Gobernuari zuzendua, legezkotasunaren kontrola onesteko egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Halaber, onetsitako hirigintzako araudiaren aurka administrazioarekiko auzi errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egiten ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau Murillo el Frutoko Udalari jakinaraztea, ziurtatutako testu bategina bidal dezan.
4. Foru agindu hau Nafarroako Aldizkari Ofizialean argitaratu ahal izateko baldintza izanen da aldaketaren testu bategin ziurtatua aurkeztea.
Iruñean, 2020ko martxoaren 13an.–Lurralde Antolamenduko, Etxebizitzako, Paisaiako eta Proiektu Estrategikoetako kontseilaria, José María Ayerdi Fernández de Barrena.
Iragarkiaren kodea: F2007488
