1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA. Epatze deia ebazpen honen aurka jarritako gora jotzeko errekurtsoan interesdun direnei: Hezkuntza Departamentuko Hautaketa eta Irakasle Lanpostuak Hornitzeko Zerbitzuko zuzendariaren apirilaren 30eko 50/2020 Ebazpena, Hautaketa eta Irakasle Lanpostuak Hornitzeko Zerbitzuko zuzendariaren maiatzaren 14ko 58/2020 Ebazpenak zuzendua.
Iragarki honen bidez aditzera ematen da Ana María Ruiz Sevilla andreak gora jotzeko errekurtsoa jarri duela Hezkuntza Departamentuko Hautaketa eta Irakasle Lanpostuak Hornitzeko Zerbitzuko zuzendariaren apirilaren 30eko 50/2020 Ebazpenaren aurka (Hautaketa eta Irakasle Lanpostuak Hornitzeko Zerbitzuko zuzendariaren maiatzaren 14ko 58/2020 Ebazpenak zuzendua), Pedagogia Terapeutikoa (gaztelaniaz) espezialitateko maisu-maistren deialdi berariazkoen zerrendaren gainean.
Hori horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoari jarraikiz, espezialitate horretako izangaien behin betiko zerrendan (I. eranskina) dauden interesdunei dei egiten zaie alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean. Horiek Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoaren kopia interesdunen eskura dago Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2020ko uztailaren 22an.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2007923
