1. NAFARROAKO FORU KOMUNITATEA
1.7. BESTELAKOAK
118/2020 EBAZPENA, uztailaren 1ekoa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, aurretiazko administrazio baimena onesten duena 2020an Nafarroako Foru Komunitateko zenbait udalerri eta hirigunetan gas natural kanalizatuaren sareak hedatzeko.
2019ko abenduaren 12an, Nedgia Navarra SA enpresak, Gas erregaien banaketari eta erabilerari buruzko erregelamendu teknikoaren (uztailaren 28ko 919/2006 Errege Dekretuaren bidez onetsiaren) ITC-ICG 01eko 2. artikuluan ezarritakoa betez, urteko baimen bateratua eskatu zuen Nafarroako Foru Komunitateko ondoko udalerri eta hiriguneetan gas natural kanalizatuaren banaketa instalazioetarako, 2020. urtean:
Ablitas, Oibar, Allo, Altsasu, Andosilla, Antsoain, Oltza Zendea (Arazuri eta Ororbia), Agoitz, Aranguren (Mutiloa eta Taxoare), Arbizu, Arguedas, Arroitz, Artaxoa, Aiegi, Azagra, Bakaiku, Barañain, Barillas, Baztan, Bera, Berbintzana, Beriain, Berriobeiti (Aitzoain), Berriozar, Bertizarana, Buñuel, Burlata, Cabanillas, Cadreita, Caparroso, Cárcar, Zarrakaztelu, Cascante, Kaseda, Castejón, Cintruénigo, Zizur (Zizur Txikia eta Gazolatz), Galar (Cordovilla), Corella, Cortes, Doneztebe, Elgorriaga, Noain Elortzibar (Elortz, Noain, Dorre Elortzibar, Imarkoain eta Zulueta), Lizarra, Esteribar, Etxarri Aranatz, Ezkabarte (Arre), Faltzes, Fitero, Fontellas, Funes, Fustiñana, Goizueta, Eguesibar (Gorraitz eta Olatz), Uharte, Igantzi, Irurtzun, Ituren, Iturmendi, Lakuntza, Larraga, Leitza, Lekunberri, Lerin, Lesaka, Ledea, Lodosa, Los Arcos, Irunberri, Martzilla, Mélida, Mendabia, Milagro, Miranda Arga, Monteagudo, Murchante, Murillo el Fruto, Obanos, Olazti, Erriberri, Orkoien, Oteitza, Iruña, Azkoien, Gares, Murillo el Cuende (Arrada), Ribaforada, San Adrián, Zangoza, Santakara, Sartaguda, Sesma, Sunbilla, Tafalla, Tebas-Muru Artederreta, Tutera, Tulebras, Uharte Arakil, Urdiain, Valtierra, Viana, Alesbes, Villatuerta, Atarrabia, Ziordia, Zizur Nagusia, Itza (Zuasti).
Instalazioei dagokienez, eskaera horretan aurreikusten da egungo gas naturalaren sareak hedatzea eta aldatzea. Sare horien jardueraren gehieneko presioa 5 bar edo gutxiagokoa da eta ez dira sartu berariazko proiektua izan duten edo izanen duten sareak. Sare horiek 4.892 metroko luzera izanen dute guztira, eta 375 hargune izanen dira. Aurrekontua 341.386,60 eurokoa da.
Nedgia Navarra SA enpresaren eskaera jendaurrean jartzeko tramitean jarri zen, iragarkia paratuz 2020ko 18. Nafarroako Aldizkari Ofizialean, urtarrilaren 28koan, eta «Diario de Navarra» nahiz «Diario de Noticias» egunkarietan, 2020ko martxoaren 6an. 2020ko martxoaren 16an dekretatutako alarma egoera dela eta, epe hori etenik egonen da. Epeen etendura amaituta, 2020ko maiatzaren 19ra arte luzatu zen ekarpenak aurkezteko epea.
Eskaera jendaurrean jartzeko epean Artaxoako Udalak alegazioak egin ditu, honakoa adierazteko: sareetan egin beharreko hedapenari dagokion obra-lizentzia udalari eskatu behar zaiola, eta udal ordenantzek xedatutakoaren arabera ezartzen diren baldintzak bete egin behar direla; horrekin batera, azpimarratzen du zoladura berriz jarri behar dela.
Nedgia Navarra SA enpresa banatzaileak, alegazio horiek jaso ondoren, honako hau adierazi du: ITC-ICG 01eko 2. artikuluan xedatutakoarekin bat, “...lehendik dauden sareak hedatzeko kasuetan, aurretiazko administrazio baimena txosten orokor batean oinarrituta eskatuko da, non gasa banatzeko instalazioak eraikitzeko urteko aurreikuspenak sartuko diren. Urte bakoitzeko lehen hiruhilekoan, banatzaileak aurreko urtean egindako lanen dokumentazio teknikoa jasotzen duen proiektua aurkeztuko du autonomia erkidegoko organo eskudunean, bakoitza zerbitzuan jartzeko eguna zehaztuta”.
Aipatu beharra dago kanalizazio bidez gas erregaiak banatzea ahalbidetzen duen baimen horrek ez duela ordezten udaletan eskatu beharreko obra-lizentzia. Udalak lizentzia horren bidez ezarriko ditu dagozkion baldintzak.
Hori horrela, eta lanak hasi aurretik, Nedgia Navarra SA enpresak nahitaezko udal lizentzia eskatuko du eta, hala badagokio, udalerri horretako ordenantzek xedatutakoaren arabera egin beharreko birjartzeak egingo ditu.
Adierazitakoarekin bat, Industriaren, Energiaren eta S3 Proiektu Estrategikoen zuzendari nagusiak azaroaren 18an emandako 52/2019 Ebazpenaren bidez eskuordetu dizkidan eskumenak erabiliz (2019ko 234. Nafarroako Aldizkari Ofiziala, azaroaren 27koa), eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa betez,
EBAZTEN DUT:
1. Nedgia Navarra SA enpresari baimena ematea aipatu diren udalerri eta hiriguneetan gas natural kanalizatuaren sareak hedatzeko instalazioak egiteko 2020. urtean.
2. Meatzeetako ingeniari Carlos Alvaro Pereirak sinatutako agiria onestea, eta hamabi hilabete ematea obrak burutzeko.
3. Artaxoako Udalak aurkeztutako alegazioa partzialki baiestea.
4. Baimen hau ematen da beharrezkoak diren emakidak eta baimenak galarazi gabe, aplikatzekoak diren bestelako xedapenen, sektoreko legeriaren eta, bereziki, lurraldearen antolamenduari eta ingurumenari buruzko xedapenen arabera, ukitutako ondasun eta zerbitzuen jabe diren erakunde guztienak barne.
5. Bi hilabeteko epean, eta betiere instalazioen exekuzioa hasi baino lehen, aurkeztutako aurrekontuaren ehuneko bi adinako bermea jarri beharko du Nedgia Navarra SAk. Berme hori Nafarroako Gobernuko Garapen Ekonomiko eta Enpresarialeko Departamentuan jarri beharko da, eta instalazioak abian jartzeko akta egin ondoren itzuliko da.
6. Instalazio berriak eta horien muntaketa, bai eta egungo instalazioen itxiera ere, indarreko araudian ezarritakoaren arabera eginen da.
7. Nedgia Navarra SAk urriaren 7ko 34/1998 Legearen 74. artikuluan ezarritako betebeharrak beteko ditu, zehazki, artikulu horren 1.d) apartatuan ezarritakoa.
8. Behin proiektua eginik, instalazioak zerbitzuan jarri eta hogeita hamar egun igaro baino lehen, Nedgia Navarra SAk uztailaren 28ko 919/2006 Errege Dekretuaren 5.7 artikuluan adierazitako dokumentazioa aurkeztu beharko du Energiaren, Meatzaritzaren eta Industria Segurtasunaren Zerbitzuan.
9. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.
10. Ebazpen hau Nedgia Navarra SAri jakinaraztea, eta ohartaraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, jakinarazi eta biharamunetik hilabeteko epean. Hartan espediente zenbakia adierazi beharko da.
11. Ebazpen hau Nafarroako Aldizkari Ofizialean argitaratzea, orok jakin dezan.
12. Ebazpen hau Artaxoako Udalari eta ukitutako udalei jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2020ko uztailaren 1ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2007065
