1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA, Lurralde Kohesiorako kontseilariak martxoaren 10ean emandako 14/2020 Foru Aginduaren aurka. Foru agindu horren bidez, hala eskatzen duten Nafarroako toki entitateetan idazkari lanpostuak aldi baterako betetzeko izangaien zerrenda onetsi zen.
Iragarki honen bidez aditzera ematen da Severino Capa Ruiz jaunak gora jotzeko errekurtsoa jarri duela Lurralde Kohesiorako kontseilariaren martxoaren 10eko 14/2020 Foru Aginduaren aurka, zeinaren bidez onetsi baitzen hala eskatzen duten Nafarroako toki entitateetan idazkari lanpostuak aldi baterako betetzeko izangaien zerrenda.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluei jarraituz, interesdun guztiei horren berri ematen zaie, alegazioak egiteko aukera izan dezaten, iragarki hau argitaratu eta biharamunetik zenbatzen hasita hamar egun balioduneko epean, Erregistro Orokorrean aurkeztuta (Nafarroako Jauregia, Karlos III.aren etorbidea 2, Iruña), edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako bideetako bat erabiliz.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. apartatuan ezarritakoa aplikatuz, jarritako errekurtsoaren kopia bat lortu nahi duten interesdunek hura bidaltzeko eska dezakete Erregistro Orokor Elektronikoaren bitartez (http://www.navarra.es/home_eu/Servicios/ficha/4537/Registro-General-Electronico1); horretarako, eskaeran adierazi beharko dute zer helbide elektronikotara nahi duten bidaltzea kopia hori.
Iruñean, 2020ko ekainaren 17an.–Lurralde Kohesiorako kontseilaria, Bernardo Ciriza Pérez.
Iragarkiaren kodea: F2006275
