2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORELLA
Goragokoak eskumenak bereganatzea
Alkatetzaren 441/2020 ebazpena, ekainaren 2koa.
Toki Araubidearen Oinarriak arautzen dituen apirilaren 2ko 7/1985 Legearen 21.1 artikuluak eta azaroaren 28ko 2568/1986 Errege Dekretuaren bidez onetsitako Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 41., 43. eta 116. artikuluek ematen dizkidaten eskudantziak erabiliz, Alkatetzaren eskudantziak beste organo batzuen esku uzteko espedienteari dagokionez.
Ikusirik ekainaren 27ko 622/2019 Dekretua, non Alkatetzaren eskumenak eskuordetzen baitzaizkio Tokiko Gobernu Batzarrari.
Kontuan hartuz, gaur egun, gertaturiko inguruabarrengatik, Corellako Udalak ezin duela Tokiko Gobernu Batzarrean maiztasunez bildu, eta eskumen asko haren esku utziak dituelarik, horrek administrazio publikoaren ohiko funtzionamendua mantsotzen duela.
EBAZTEN DUT:
Lehendabizikoa.–Alkatetzaren 2019ko ekainaren 27ko dekretuaren bidez Corellako Udaleko Gobernu Batzarraren gain utzitako eskumen hauek bereganatzea:
–Langileak hautatzeko probetarako eta lanpostuak betetzeko lehiaketetarako oinarriak onestea, eta finko eta aldizkakoak ez diren ordainsari osagarriak banatzea.
–Planeamendu orokorra garatzen duten tresnak onestea, Osoko Bilkurari ez dagozkionean, baita hirigintza kudeatzeko eta urbanizazio proiektuetako tresnak onestea ere.
–Kontratazioak, hurrengo bi baldintzak betetzen direnean:
- Zenbatekoa 15.000 euro (gehi BEZa) baino gehiago izatea.
- Haien zenbatekoa aurrekontuko baliabide arrunten %10 baino gehiago ez bada, ezta, betiere, 6 milioi euro baino gehiago ere; horien artean urte anitzetakoak ere sartzen dira, 4 urte baino gehiago iraun behar ez badute, betiere urteko guztien zenbateko metatuak aipatu portzentajea gainditzen ez badu, lehen ekitaldiko aurrekontuko baliabide arrunten gainean, ezta aipatu zenbatekoa ere.
–Toki entitateen ondasunen erabilerari buruzko egintzak, lizentziak emateari buruzkoak direnean edo ondare-ondasunen kostu bidezko erabilera egitean, epea bost urte baino luzeagoa ez bada eta zenbatekoa lehen ekitaldiko aurrekontuko baliabide arrunten %5 baino gehiago ez bada. Toki entitatearen xedeak betetzeko beharrezkoak ez diren ondasun higigarri eta higiezinen besterentzea, zenbatekoa aurrekontuko baliabide arrunten %5 baino gehiago ez bada.
–Zerbitzu eta obra proiektuak onestea, kontratazioa bere eskumena bada, eta aurrekontuan aurreikusirik badaude.
–Ondasunak doan eskuratzea eta ondasun higigarri eta higiezinak kostu bidez eskuratzea, Udalak bere xedeak betetzeko beharrezkoak dituenak, haien zenbatekoa aurrekontuko baliabide arrunten %5 baino gehiago ez bada, eta 15.000 euro (gehi BEZa) baino gehiago bada.
–Lizentziak ematea, alor horretako legeek Udalbatzari edo Tokiko Gobernu Batzarrari berari ematen ez badiote eskumen hori.
Bigarrena.–Ebazpen honetako bereganatzeak, ematen den eguneko datatik aitzina izanen ditu ondorioak.
Hirugarrena.–Ebazpen hau Nafarroako Aldizkari Ofizialean eta, era berean, Udalaren iragarki-taulan eta web orrian argitaratzea.
Laugarrena.–Osoko Bilkurari ebazpen honen berri ematea, egiten den hurrengo bilkuran.
Corellan, 2020ko ekainaren 2an.–Alkatea, Gorka García Izal.
Iragarkiaren kodea: L2005440
