2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Laburpena, Tuterako merkataritza eta enpresa sarerako aparteko laguntzena, udalerrian jarduera ekonomikoari eusteko, COVID-19 osasun krisiak eragindako gizarte- eta ekonomia-larrialdiaren eta osasun krisiaren egoera kudeatzeko alarma-egoeraren deklarazioaren testuinguruan
Oharra: Testu osoa kontsulta daiteke Dirulaguntzen Datu Base Nazionalean (http://www.pap.hacienda.gob.es/bdnstrans/GE/eu/index). DDBN (identifikazioa): 506941.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; haren testu osoa Tuterako Udalaren webgunean kontsultatu daiteke: http://www.tudela.es/uploads/archivos/bases-de-la-convocatoria-de-ayudas-extraordinarias-al-tejido-comercial-covid19-21-05-2020.pdf
A) Xedea: berehala jardutea, COVID-19ak eragindako ondorioen aurrean, bultzatuz Tuterako udal-mugarteko jarduera ekonomikoa eta, arintzen laguntzea negozioen aldi baterako itxierak eragindako galera ekonomiko zuzenaren egoera, eta, ahal den neurrian, saihestea negozio horiek azkenean behin betiko ixtera behartzea.
B) Onuradun izateko baldintzak:
B.1) Laguntza hauen onuradun izaten ahalko dira jarduera ekonomikoen gaineko zergan enpresa jarduera gisa alta emanda dauden mikroenpresak eta pertsona fisikoak, edozein dela ere haien forma juridikoa, baldin eta eskabidea aurkezteko unean balio osoz eratuta badaude eta Tuterako udalerrian jarduera ekonomikoren bat egiten badute. Deialdi honen ondorioetarako, onuradun izanen dira betebehar hauek betetzen dituzten enpresak:
–Jarduera sektorearen arabera: Merkataritza, hezkuntza, ostalaritza eta jatetxe jardueretan, turismoan eta beste eremu gehigarri batzuetan jarduten dutenak, baldin eta jarduera presentziala edo jendearentzako irekiera bertan behera geratu bada, indarrean jartzeagatik martxoaren 14ko 463/2020 Errege Dekretua eta, hala badagokio, haren aldaketak eta luzapenak. (Ikus I. eranskina: dirulaguntzaren xede diren taldeak eta epigrafeak, orientabide gisa, ez mugatzaile gisa).
–Enpresa motaren arabera: Autonomoak, pertsona fisikoak (ekonomia-jardueren gaineko zergan enpresa jarduera gisa alta emandakoak) nahiz sozietarioak. Mikroenpresak, deialdi honen ondorioetarako, 10 langile baino gutxiago dituzten eta 2019ko ekitaldian 900.000 euroko negozio-zifra gainditzen ez duten enpresak.
–Antzinatasunaren arabera: Gutxienez 2020ko martxoaren 13a baino lehen eratuak eta jardunean daudenak.
B.2) Eskatzaileek Tuterako udalerrian izan behar dute egoitza fiskala.
B.3) Eskatzaileek lokal irekia eduki behar dute alokairu edo hipoteka gastuetarako laguntza eskatuz gero.
B.4) Eskabide bakarra laguntzen ahalko da diruz enpresa eta jarduera ekonomiko bakoitzeko.
B.5) Deialdi honetatik kanpo geratzen dira, berariaz, elkarteak, jabetza horizontalaren araubideko jabeen erkidegoak, erakunde publikoak, erlijio kongregazioak eta erakundeak, Estatuko eta autonomia erkidegoetako administrazio organoak, apustu-etxeak, joko-aretoak eta prostituzio lokalak.
B.6) Ezin izanen dira dirulaguntzen onuradun izan Dirulaguntzen Lege Orokorraren 13. artikuluko inguruabarretako batean dauden pertsona fisikoak nahiz juridikoak.
B.7) Kanpoan geratzen dira alarma egoerak ezarritako establezimendua ixtearen ondorioz, jarduera online edo telefono bidezko negozio-bolumenaren gehikuntzarekin konpentsatu duten autonomoak eta mikroenpresak.
B.8) Etenda geratu den jardueran soilik aritzea.
B.9) Jarduera ekonomikoa alarma-egoera amaitu eta, gutxienez, hurrengo lau hilabeteetan mantentzea. Halaber, onuradunak alta emanda egon beharko du EJZn (ekonomia-jardueren gaineko zerga) eta Gizarte Segurantzako norberaren konturako langileen edo langile autonomoen araubide berezian edo, hala behar badu, itsasoko langileen Gizarte Segurantzako araubide berezian, B.1 apartatuan adierazitako kolektiboren baten barruan, gutxienez aldi horretan. Alarma egoeran EJZn baja eman dutenek alta eman beharko dute berriro dirulaguntza eskatu aurretik.
B.10) Ogasunarekiko, Gizarte Segurantzarekiko eta Tuterako Udalarekiko ordainketa betebeharrak egunean izatea dirulaguntza eskatzen duen unean. Betebehar hori betetzen ez bada, dirulaguntza erabat ukatuko da.
B.11) Diruz lagundutako jarduera finantzatzeko lortutako beste dirulaguntzen, laguntzen, diru-sarreren edo baliabideen berri ematea organo emaileari. Jakin bezain laster emanen da horren berri, eta, betiere, jasotako funts publikoak zertan erabili diren justifikatu baino lehen.
C) Oinarri arautzaileak: Udalaren http://www.tudela.es/uploads/archivos/bases-de-la-convocatoria-de-ayudas-extraordinarias-al-tejido-comercial-covid19-21-05-2020.pdf webgunean eta Tuterako Udalaren Industria Bulegoan, Plaza Vieja 1ean, Tutera (31500) edo eskaera eginez industria@tudela.es helbidean nahiz 948417114 telefonoan.
D) Zenbatekoa: 700.000 euro.
E) Eskaerak aurkezteko epea hogei egun baliodunekoa izanen da, deialdiaren laburpen-iragarkia Nafarroako Aldizkari Ofizialean argitaratu eta biharamunetik hasita.
E.1) Bide telematikoz, bitarteko hauetako baten bidez:
–Herritar karpeta:
http://www.tudela.es/ventanilla-municipal/carpeta-ciudadana
–ORVE-SIR dokumentuen erregistro telematikoa:
https://rec.redsara.es/registro/action/are/acceso.do
E.2) Tramitazioa aurrez aurre ere egiten ahalko da, Udaleko Erregistroaren bidez (Udaleko Herritarraren Arretarako Zerbitzuan eta Lourdes auzoko Herritarraren Arretarako Zerbitzuan), osasun agintariek bide publikoan askatasunez zirkulatzeko debekua kentzen dutenean, eta jendeari berriz irekitzen zaionean, Tuterako Udalean aurrez aurreko arreta emanez.
Prozedura hau administrazio epeen etendura orokorra aplikatzetik salbuetsita dago, aintzat hartuz zer dagoen xedatua administrazio epeak eteteari buruzko martxoaren 14ko 463/2020 Errege Dekretuaren hirugarren xedapen gehigarriaren 4. puntuan (errege dekretu horren bidez deklaratu zen COVID-19k eragindako osasun krisia kudeatzeko alarma-egoera, eta martxoaren 17ko 465/2020 Errege Dekretuak aldatu zuen aipatutako errege dekretu hori).
Tuteran, 2020ko maiatzaren 22an.–Alkatea, Alejandro Toquero Gil.
Iragarkiaren kodea: L2005159
