1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
41C/2020 EBAZPENA, apirilaren 14koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Planiger SA enpresaren Oblatas, Argarai eta Mutiloako lantokietarako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Planiger SA enpresaren Oblatas, Argarai eta Mutiloako lantokietarako hitzarmen kolektiboaren testua aztertu da (kode zenbakia: 31101741012020), erregistro honetan 2020ko otsailaren 18an sartu zena, enpresaren ordezkariek eta sindikatu batzuen ordezkariek (SATSE eta UGT) 2020ko otsailaren 13an izenpetua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko apirilaren 14an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Plagier SA enpresaren Oblatas, Argarai eta Mutiloako lantokietarako hitzarmen kolektiboa (PDFa).
Iragarkiaren kodea: F2004972
