82. ALDIZKARIA - 2019ko apirilaren 30a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

24C/2019 EBAZPENA, otsailaren 27koa, Politika Ekonomiko eta Enpresarialaren eta Lanaren zuzendari nagusiak emana, erabakitzen duena desgaitasuna duten pertsonak artatzeko Nafarroako zentro pribatu itunduen sektorearen hitzarmen kolektiboaren batzorde paritarioaren akordioa erregistratzea, gordetzea eta Nafarroako Aldizkari Ofizialean argitaratzea.

Aztertu da Desgaitasuna duten Pertsonak Artatzeko Nafarroako Zentro Pribatu Itunduen Sektorearen hitzarmen kolektiboaren batzorde paritarioaren akordioa (31008485012006 kode zenbakia), erregistro honetan sartu zena 2019ko otsailaren 13an, enpresaren ordezkariek eta sindikatuetako batzuek (UGT eta CCOO) izenpetu zutena 2019ko otsailaren 7an, eta zuzendu zena 2019ko otsailaren 25ean, honako hauetan ezarritakoaren arabera: Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuak eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretua. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2019ko urtarrilaren 24an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Desgaitasuna duten pertsonak artatzeko Nafarroako zentro pribatu itunduen sektoreko hitzarmen kolektiboaren batzorde paritarioaren akordioa (PDFa).

Iragarkiaren kodea: F1903018