1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
277/2019 EBAZPENA, apirilaren 1ekoa, Osasunbidea-Nafarroako Osasun Zerbitzuko zuzendari kudeatzaileak emana, zuzendari kudeatzaileak urtarrilaren 29an emandako 45/2019 Ebazpena aldatzen duena. Ebazpen horren bidez, Jesús M.ª Urman Fernández jauna, Nafarroako Ospitaleguneko Antolaketa Berritzeko eta Prozesuak Hobetzeko Ataleko burua, kargutik kendu zen, berak eskatu baitzuen.
Osasunbidea-Nafarroako Osasun Zerbitzuko zuzendari kudeatzaileak urtarrilaren 29an emandako 45/2019 Ebazpenaren bidez, Jesús M.ª Urman Fernández jauna, Nafarroako Ospitaleguneko Antolaketa Berritzeko eta Prozesuak Hobetzeko Ataleko burua, kargutik kendu zen, berak eskatu baitzuen. Ebazpenaren 2. puntuaren arabera, ebazpena jakinarazi eta biharamunean itzuli beharko du interesdunak jatorrizko lanpostura.
Nafarroako Ospitaleguneko Profesionalen Zuzendaritzak egindako txostenaren bidez, jakinarazi da Jesús M.ª Urman Fernández 2018ko abenduaren 31n itzuli zela jatorrizko lanpostura (Digestio Zerbitzuko BFE/alboko lanpostu batera); beraz, bidezko da zuzentzea Nafarroako Ospitaleguneko Antolaketa Berritzeko eta Prozesuak Hobetzeko Ataleko kargutik kentzeak ondorioak izateko eguna.
Horrenbestez, bidezko da aldatzea Osasunbidea-Nafarroako Osasun Zerbitzuko zuzendari kudeatzaileak urtarrilaren 29an emandako 45/2019 Ebazpenaren 2. puntua.
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBATZI DUT:
1. Osasunbidea-Nafarroako Osasun Zerbitzuko zuzendari kudeatzaileak urtarrilaren 29an emandako 45/2019 Ebazpena aldatzea. Ebazpen horren bidez, Jesús M.ª Urman Fernández jauna, Nafarroako Foru Komunitateko Administrazioko funtzionarioa eta Nafarroako Ospitaleguneko Antolaketa Berritzeko eta Prozesuak Hobetzeko Ataleko burua, kargutik kendu zen, berak eskatu baitzuen. Honela eginen da aldaketa:
Honako hau dioen tokian:
“2. Interesdunak ebazpen hau jakinarazi eta biharamunean itzuli beharko du abiaburuko lanpostura”.
Honako hau behar du:
“2. Kargu-uzteak 2018ko abenduaren 31n izanen ditu ondorioak, interesduna egun horretan itzuli baitzen jatorrizko lanpostura”.
2. Ebazpen hau interesdunari jakinaraztea, eta igortzea Osasunbidea-Nafarroako Osasun Zerbitzuko Nafarroako Ospitaleguneko Profesionalen Zuzendaritzari, Langileriaren Prozesu eta Ebaluazio Zerbitzuari eta Ordainsari eta Prestazioen Zerbitzuari, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2019ko apirilaren 1ean.–Osasunbidea-Nafarroako Osasun Zerbitzuko zuzendari kudeatzailea, Óscar Moracho del Río.
Iragarkiaren kodea: F1904762