1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
191/2019 EBAZPENA, otsailaren 22koa, Nafar Lansare-Nafarroako Enplegu Zerbitzuko zuzendari kudeatzaileak emana, Nafar Lansare-Nafarroako Enplegu Zerbitzuak eman eta kudeatzen dituen dirulaguntza batzuetarako 2019ko gastua baimentzen duena. DDBN identifikazioa: 441176.
Abenduaren 2ko 263/2015 Foru Dekretuaren bidez onetsitako Nafar Lansare-Nafarroako Enplegu Zerbitzuaren Estatutuetan ezarritakoari jarraikiz, erakunde horren eginkizuna da Foru Komunitatearen Administrazioari esleitutako eskumenak baliatzea gizarte-eragileekin adostutako enplegu politikak planifikatu, gauzatu eta kontrolatzeari dagokionez, arlo hauen gainean ezartzen diren zerbitzu eta programak modu koordinatuan kudeatuz: enpleguaren sustapena, lan merkatuan sartzeko aukera berdintasuna, lana aurkitzea, enplegurako bitartekaritza, orientazioa eta prestakuntza, eta Nafarroako enpleguaren egoeraren eta horren gaineko politiken analisia.
Uztailaren 3ko 694/2017 Errege Dekretuan eta martxoaren 7ko TAS/718/2008 Aginduan enplegurako prestakuntzarako aurreikusitako modalitateetan parte hartzen duten langabeak beken eta laguntzen onuradunak izan daitezke, azken arau horretan zehaztu bezala. Beka eta laguntza horiek finantzatzeko, Nafar Lansare-Nafarroako Enplegu Zerbitzuak “Prestakuntza ekintzetarako bekak. Konferentzia sektoriala” izeneko 950002 96200 4809 242100 partida dauka 2019rako Gastuen Aurrekontuan, 500.000 euroko zuzkidura duena.
Dirulaguntzei buruzko azaroaren 9ko 11/2005 Foru Legearen 30. artikuluak ezartzen duenez, dirulaguntzen deialdiek berekin ekarri beharko dute gasturako baimena, Nafarroako Ogasun Publikoari buruzko abenduaren 26ko 8/1988 Foru Legearen 55. artikuluan ezarritakoari jarraikiz.
Azaldutakoarekin bat, eta abenduaren 2ko 263/2015 Foru Dekretuak onetsitako Nafar Lansare-Nafarroako Enplegu Zerbitzuaren Estatutuen 13. artikuluak ematen dizkidan eskudantziak erabiliz,
EBATZI DUT:
1. 500.000 euroko gastua baimentzea Nafar Lansare-Nafarroako Enplegu Zerbitzuak antolatzen dituen enplegurako prestakuntza ekintzetan parte hartzen duten langabeentzako beka eta laguntzak finantzatzeko, 2019rako Gastuen Aurrekontuko “Prestakuntza ekintzetarako bekak. Konferentzia sektoriala” izeneko 950002 96200 4809 242100 partidaren kargura.
2. Ebazpen hau Lanbide Gaitasunak Garatzeko Zerbitzuari eta Nafar Lansare-Nafarroako Enplegu Zerbitzuko Kontu-hartzailetza delegatuari igortzea.
3. Ebazpen hau Nafarroako Aldizkari Ofizialean argitaratzea.
Iruñean, 2019ko otsailaren 13an.–Nafar Lansare-Nafarroako Enplegu Zerbitzuko zuzendari kudeatzailea, Paz Fernández Mendaza.
Iragarkiaren kodea: F1902677
