1. NAFARROAKO FORU KOMUNITATEA
1.7. BESTELAKOAK
1325/2019 EBAZPENA, otsailaren 27koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, 2019-2020 ikasturterako ikaspostu hutsen eskaintza onesten duena Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen deialdirako.
Hezkuntzako zuzendari nagusiaren urtarrilaren 21eko 4/2019 Ebazpena ikusirik, zeinaren bidez prozedura arautu baitzen 2019-2020 ikasturtean haurrak onartzeko, funts publikoak jasotzen dituzten Haur Hezkuntzako lehen zikloko ikastetxeetan.
Pertsonen Autonomiarako eta Garapenerako Nafarroako Agentziaren menpeko haur eskoletako neska-mutikoentzako ikaspostuen 2019-2020 ikasturteko deialdia kudeatuko duen Hautapen Batzordearen akta ikusirik.
Horrenbestez, Pertsonen Autonomiarako eta Garapenerako Nafarroako Agentziaren estatutuak onetsi zituen irailaren 3ko 172/2015 Foru Dekretuak eman dizkidan ahalmenak erabiliz.
EBAZTEN DUT:
1. 2019-2020 ikasturterako ikaspostu hutsen eskaintza onestea, Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen deialdirako. Postu horiek ebazpen honen eranskinean jaso dira.
2. Ebazpen hau Nafarroako Aldizkari Ofizialean argitaratzea.
3. Ebazpen hau Familiaren eta Adingabeen Zuzendariordetzara igortzea, behar diren ondorioak izan ditzan, eta ohartaraztea ebazpenak ez duela administrazio bidea amaitzen eta, haren kontra, gora jotzeko errekurtsoa jartzen ahal dela, Eskubide Sozialetako kontseilariari zuzendua, jakinarazi eta biharamunetik hasita hilabeteko epean.
Iruñean, 2019ko otsailaren 27an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
ERANSKINA 253 ikaspostu eskaintzen dira, honela banatuta ikastetxe eta adinen arabera: |
SEKTOREAK | JAIOTZE URTEA | N. JESÚS | EGUN SENTI | SANTA TERESA | SANDUZELAI | LOS ÁNGELES | RONCESVALLES | NINIA ETXEA | GUZTIRA |
Egun osoa | Egun erdia | Gaztelaniaz | Euskaraz | Gaztelaniaz | Euskaraz |
Handiak | 2017ko urtarrilaren 1etik 2017ko abuztuaren 31ra | 14 | 8 | 7 | 4 | 4 | 1 | 0 | 1 | 6 | 2 | 47 |
Ertainak | 2017ko irailaren 1etik 2017ko abenduaren 31ra | 6 | 3 | 6 | 3 | 2 | 2 | 1 | 1 | 7 | 4 | 35 |
Ibiltariak | 2018ko urtarrilaren 1etik 2018ko irailaren 30era | 12 | | 16 | 11 | 4 | 5 | 5 | 5 | 10 | 12 | 80 |
Bularreko haurrak, Iruña | 2018ko urriaren 1etik 2019ko apirilaren 26ra | | | | 14 | 7 | 7 | 7 | 7 | 7 | 14 | 63 |
Bularreko haurrak, Burlata eta Corella | 2018ko urriaren 1etik 2019ko maiatzaren 2ra | 14 | | 14 | | | | | | | | 28 |
GUZTIRA | 46 | 11 | 43 | 32 | 17 | 15 | 13 | 14 | 30 | 32 | 253 |
Iragarkiaren kodea: F1902986
