1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
39D/2019 EBAZPENA, abenduaren 10ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana, iragartzen duena gordailutu dela “Asociación de Empresas de Inserción de Navarra/Nafarroako Gizarteratzeko Enpresen Elkartea” izena eta EINA sigla duen enpresa elkartearen estatutuen aldaketa (gordailu zenbakia: 31000050; lehengo gordailu zenbakia: NA/427).
Onartu da aipatu elkartearen estatutuen aldaketaren gordailua egitea, egiaztatu baita betetzen dituela Sindikatuetan Elkartzeko Eskubidea arautzen duen apirilaren 1eko 19/1977 Legean (1977ko apirilaren 4ko Estatuko Aldizkari Ofiziala) eta Erakunde Sindikal eta Enpresarialen Estatutuak gordailutzeari buruzko maiatzaren 29ko 416/2015 Errege Dekretuan (2015eko ekainaren 20ko Estatuko Aldizkari Ofiziala) ezarritako betebeharrak.
Gordailutzeko eskaera Eduardo Sanz García jaunak egin zuen, 31/2019/000101 sarrera-zenbakiarekin tramitatutako idazkiaren bidez.
Eskaera horretan aditzera ematen da entitateak, 2018ko martxoaren 27an egindako batzar orokor berezian, elkarte horren estatutuak aldatzea erabaki zuela. Zehazki, estatutuen 1. artikulua aldatzen da (izena). Bertan adierazten da elkartea, hemendik aurrera, Asociación de Empresas de Inserción de Navarra (EINA) deituko dela.
Iragarki hau Nafarroako Aldizkari Ofizialean argitaratzea xedatzen da, bai eta iragarki taula telematikoan erakustea ere, egindako aldaketaren berri emateko, maiatzaren 29ko 416/2015 Errege Dekretuaren 23. artikuluan xedatutakoarekin bat.
Ebazpen honen aurka, interesdunek errekurtsoa jar dezakete Iruñeko Lan arloko epaitegietan, Lan Arloko Jurisdikzioa arautzen duen urriaren 10eko 36/2011 Legean xedatutakoari jarraikiz (2011ko urriaren 11ko Estatuko Aldizkari Ofiziala).
Iruñean, 2019ko abenduaren 10ean.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Iragarkiaren kodea: F1915723
