2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Obretarako eta irekitzeko lizentziak Eguesibarko udal-mugartean, apustu establezimenduetarako, joko aretoetarako eta bingoetarako. Tramitazioa etetea
Eguesibarko Udalak, 2019ko abenduaren 10ean egin osoko bilkuran, honako erabaki hau hartu zuen:
ERABAKIA:
1.–Azterlanak abiaraztea Eguesibarko Udal Planeko Hirigintzako Araudi Orokorreko Erabilerarako Arau Orokorrak aldatzeko, helburu izanik udal-mugarte horretan apustu establezimenduak, joko aretoak eta bingoak jartzeko baldintzak mugatzea eta zehaztea.
2.–Dekretatzea eten egiten direla, Eguesibarko udal-mugartean, gehienez urtebeterako, obretarako eta irekitzeko lizentzien tramitazioa, apustu establezimenduetarako, joko aretoetarako eta bingoetarako. Honek izanen ditu uztailaren 26ko 1/2017 Legegintzako Foru Dekretuaren 70. artikuluan araututako ondorioak; aipatutako legegintzako foru dekretu horren bidez, onetsi zen Lurraldearen Antolamenduari eta Hirigintzari buruzko Foru Legearen Testu Bategina.
Ebazpen honen aurka, errekurtso hauetako bat aurkez daiteke, hautara:
–Berraztertzeko errekurtsoa, ebazpen hau eman duen organoari zuzendua, hilabeteko epean, ebazpena jakinarazi eta biharamunetik hasita.
–Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean, ebazpen hau jakinarazi eta biharamunetik hasita; edo bestela,
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Sarrigurenen, 2019ko abenduaren 12an.–Alkatea, Amaia Larraya Marco.
Iragarkiaren kodea: L1915995