1. NAFARROAKO FORU KOMUNITATEA
1.7. BESTELAKOAK
Epatzea 2/2019 prozedura arruntaren barruan, “Federación Católica de Padres de Familia” federazioak eskaturik abiatua Hezkuntza Departamentuko Hezkuntzako zuzendari nagusiaren uztailaren 2ko 350/2018 Ebazpenaren aurka.
Hezkuntza Departamentuko Idazkaritza Tekniko Nagusiaren Araubide Juridikoaren Ataleko buruaren 2019ko urtarrilaren 23ko ofizioaren bidez, agindu da 2/2019 administrazioarekiko auzi-errekurtsoari dagokion administrazio espedientea igortzea Nafarroako Justizia Auzitegi Nagusiko Administrazioarekiko Auzien Salara, eta errekurtso hartan interesdun direnak epatzea. Errekurtsoa Federación Católica de Padres de Familia federazioak jarri du, Hezkuntzako zuzendari nagusiaren uztailaren 2ko 350/2018 Ebazpenaren aurka. Ebazpen horren bidez Nafarroako Foru Komunitatean Haur Hezkuntzako bigarren zikloa, Lehen Hezkuntza, Derrigorrezko Bigarren Hezkuntza eta Batxilergoa ematen dituzten ikastetxe publikoen antolaketa eta funtzionamendua 2018-2019 ikasturtean arautzeko jarraibideak onetsi dira.
Ofizioan xedatutakoari jarraikiz eta Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluaren arabera, interesdun guztiei dei egiten zaie Nafarroako Justizia Auzitegi Nagusiko Administrazioarekiko Auzien Salan ager daitezen, argitaratu ondoko bederatzi egun balioduneko epean.
Iruñean, 2018ko urtarrilaren 23an.–Araubide Juridikoaren Ataleko burua, Tania Pérez Tellería (109/2017 Foru Agindua, abenduaren 1ekoa, Hezkuntzako kontseilariak emana, zeinaren bidez izendatzen baitira Hezkuntza Departamentuko zuzendari nagusien eta idazkari tekniko nagusiaren aldi baterako ordezkoak).
Iragarkiaren kodea: F1901065
