1. NAFARROAKO FORU KOMUNITATEA
1.6. NAFARROAKO KONTSEILUA
ERABAKIA, Nafarroako Kontseiluarena, Nafarroako Kontseiluaren zerbitzuko langileen plantilla organikoa onesten duena, baita funtzionarioen zerrenda ere.
Nafarroako Kontseiluak, 2019ko irailaren 23an egindako bilkuran, honako erabaki hau hartu zuen aho batez:
“Nafarroako Kontseiluari buruzko ekainaren 1eko 8/2016 Legeak erakunde horri autonomia organiko eta funtzionala ematen dio (1. artikulua) eta ezartzen du horko langileei Nafarroako administrazio publikoen zerbitzuko langileei aplikatzen zaien legedia aplikatuko zaiela (24. artikulua). Lege horren garapenean, Nafarroako Kontseiluaren Antolakuntza eta Funtzionamendurako Erregelamenduak, otsailaren 28ko 90/2000 Foru Dekretuaren bidez onetsi zenak, 40.2 artikuluan, Kontseiluari esleitzen dio bere plantilla organikoa eta plantillaren aldaketak onesteko eskumena.
Nafarroako Administrazio Publikoen Zerbitzuko Langileen Estatutuaren testu bateginak, abuztuaren 30eko 251/1993 Legegintzako Foru Dekretuaren bidez onetsi zenak, xedatzen du administrazio publiko horiek urtero funtzionario guztien zerrenda prestatuko dutela, urte bakoitzeko abenduaren 31n itxia, eta zerrenda Nafarroako Aldizkari Ofizialean argitaratuko dela (19. artikulua).
Beraz, xedapen horiekin bat, bidezkoa da kontseilu honetako funtzionarioen urteko zerrenda eta plantilla organikoa onestea eta biak Nafarroako Aldizkari Ofizialean argitara daitezela agintzea.
Horrenbestez, Nafarroako Kontseiluak, kontseiluburuak proposaturik,
ERABAKITZEN DU:
1. 2018ko abenduaren 31n Nafarroako Kontseiluaren zerbitzura ari diren langileen plantilla organikoa onestea, honako hau, hain zuzen:
LANPOSTUA | KOPURUA | ARAUBIDE JURIDIKOA | MAILA | IZENDAPEN LIBREA | ESKLUSIBOTASUNA | LANPOSTUA | MAILAKO OSAGARRIA |
Lehendakaritzako idazkaria | 1 | G | | X | | | |
Legelaria | 1 | F | A | | 55 | 63 | |
F: funtzionarioa. G: kabineteko behin-behinekoa - izendapen librekoa. |
2. 2018ko abenduaren 31n Nafarroako Kontseiluaren zerbitzuan ari diren funtzionarioen zerrenda hau onestea.
DEITURAK ETA IZENA | MAILA | GRADUA | LANPOSTUA | EGOERA ADMINISTRATIBOA |
HUTSIK | A | | Legelaria | |
3. Nafarroako Gobernuari erabaki honen berri ematea, behar diren ondorioak izan ditzan, eta beharrezkoa dena xedatzea Nafarroako Aldizkari Ofizialean argitara dadin.
Iruñean, 2019ko irailaren 23an.–Kontseiluburua, Alfredo Irujo Andueza, kontseilukide-idazkaria, Socorro Sotés Ruiz.
Iragarkiaren kodea: F1912528
