Iragarkia

209. ALDIZKARIA - 2019ko urriaren 22a

1. NAFARROAKO FORU KOMUNITATEA

1.7. BESTELAKOAK

73/2019 EBAZPENA, irailaren 25ekoa, Hezkuntza Baliabideen zuzendari nagusiak emana, Nafarroan araubide orokorreko irakaskuntza ez-unibertsitarioa ematen duten ikastetxe pribatu itundu batzuei zenbait unitate izateko baimena ematen diena aldi baterako.

2019-2020 ikasturterako araubide orokorreko irakaskuntzetan gauzatu den eskolatze prozesuan ikusi da aldi baterako eskolatze beharrak daudela ikastetxe pribatu itundu batzuetan, eta behar horiek, oraingoz, baimenduta duten gehieneko kopurua gainditzen dutela.

Nafarroako irakaskuntzaren eskola plangintzaren esparru orokorrean, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,

EBAZTEN DUT:

1. Araubide orokorreko irakaskuntza ez-unibertsitarioko zenbait unitate baimentzea Foru Komunitateko ikastetxe pribatu itundu batzuei, eskolatze beharrengatik eta aldi baterako, ebazpen honen eranskinean adierazten den moduan. Baimen horrek 2019-2020 ikasturtearen hasieratik aurrera izanen ditu ondorioak.

2. Ebazpen hau eta eranskina Nafarroako Aldizkari Ofizialean argitaratzea.

3. Ebazpen hau ikastetxe interesdunei jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntzako kontseilariari zuzendua, hilabeteko epean, jakinarazi eta biharamunetik hasita.

4. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Ikastetxeen, Finantzaketaren eta Ikasketetarako Laguntzen Atalera eta Kontratazioaren, Zerbitzu Osagarrien eta Koordinazio Administratiboaren Atalera.

Iruñean, 2019ko irailaren 25ean.–Hezkuntza Baliabideen zuzendari nagusia, Begoña Unzué Vela.

ERANSKINA

1. Altsasuko “Iñigo Aritza Ikastola” ikastetxe pribatua (ikastetxearen kodea: 31006995).

Osaera juridikoa: 6 unitate Haur Hezkuntzako bigarren zikloan, gehienez 150 ikaspostu; eta 6 unitate Lehen Hezkuntzan, gehienez 150 ikaspostu.

Aldi baterako baimentzen diren unitateak: unitate bat Oinarrizko Hezkuntza Berezian (Garapenaren Nahasmendu Orokorren Gela), 2019-2020 ikasturterako; baimen hori 2022-2023 ikasturtea bukatu arte luzatuko da, baldin eta oraingo eskolatze beharrek irauten badute.

2. Altsasu eta Etxarri Aranazko “Sakana Ikastola” ikastetxe pribatua (ikastetxearen kodea: 31008566).

Osaera juridikoa: 8 unitate Derrigorrezko Bigarren Hezkuntzan, gehienez 240 ikaspostu.

Aldi baterako baimentzen diren unitateak: unitate bat Derrigorrezko Bigarren Hezkuntzan eta bi unitate Oinarrizko Hezkuntza Berezian (Garapenaren Nahasmendu Orokorren Gela), 2019-2020 ikasturterako; baimen horiek 2022-2023 ikasturtea bukatu arte luzatuko dira hurrenez hurren, baldin eta oraingo eskolatze beharrek irauten badute.

Ikastetxeak aldi baterako beste unitate bat gehiago izaten jarraituko du Derrigorrezko Bigarren Hezkuntzan, hura emateko ebazpenean ezarritako baldintza beretan.

3. Berako “Labiaga Ikastola” ikastetxe pribatua (ikastetxearen kodea: 31007264).

Osaera juridikoa: 3 unitate Haur Hezkuntzako bigarren zikloan, gehienez 75 ikaspostu; eta 6 unitate Lehen Hezkuntzan, gehienez 150 ikaspostu.

Aldi baterako baimentzen diren unitateak: unitate bat Derrigorrezko Bigarren Hezkuntzako lehen mailan, eta beste bat bigarrenean, 2019-2020 ikasturtean bakar-bakarrik.

4. Burlatako “Amor de Dios-Regina Pacis” Derrigorrezko Bigarren Hezkuntzako ikastetxe pribatua (ikastetxearen kodea: 31008554).

Osaera juridikoa: 8 unitate, gehienez ere 240 ikaspostu.

Aldi baterako baimentzen diren unitateak: unitate bat Oinarrizko Hezkuntza Berezian (Berariazko Unitatea Bigarren Hezkuntzako Ikastetxeetan), 2019-2020 ikasturterako; baimen hori 2022-2023 ikasturtea bukatu arte luzatuko da, baldin eta oraingo eskolatze beharrek irauten badute.

5. Zizur Txikiko “San Fermin Ikastola” ikastetxe pribatua (ikastetxearen kodea: 31001742).

Osaera juridikoa: 12 unitate Derrigorrezko Bigarren Hezkuntzan, gehienez 360 ikaspostu; eta 6 unitate Batxilergoan, 120 ikaspostu.

Aldi baterako baimentzen diren unitateak: unitate bat Derrigorrezko Bigarren Hezkuntzako lehen mailan, eta beste bat Batxilergoko lehen mailan, 2019-2020 ikasturterako; baimen hori luzatuko da ikasleek 2022-2023 ikasturtean eta 2020-2021 ikasturtean, hurrenez hurren, Bigarren Hezkuntza edo Batxilergoa bukatzen duten arte, baldin eta oraingo eskolatze beharrek irauten badute.

Ikastetxeak aldi baterako beste hiru unitate gehiago izaten jarraituko du Derrigorrezko Bigarren Hezkuntzan eta aldi baterako beste unitate bat gehiago Batxilergoan, haiek emateko ebazpenetan ezarritako baldintza beretan.

6. Lizarrako “Lizarra Ikastola” (ikastetxearen kodea: 31006909).

Osaera juridikoa: 6 unitate Haur Hezkuntzako bigarren zikloan, gehienez 150 ikaspostu; eta 12 unitate Lehen Hezkuntzan, gehienez 300 ikaspostu.

7. Lizarrako “Mater Dei-Puy-Anderaz” ikastetxe pribatua (ikastetxearen kodea: 31008542).

Osaera juridikoa: 12 unitate Derrigorrezko Bigarren Hezkuntzan, gehienez 360 ikaspostu.

8. Lizarrako “Santa Ana” ikastetxe pribatua (ikastetxearen kodea: 31002229).

Osaera juridikoa: 9 unitate Haur Hezkuntzako bigarren zikloan, gehienez 225 ikaspostu; eta 18 unitate Lehen Hezkuntzan, gehienez 450 ikaspostu.

9. Iberoko “Isterria” ikastetxe pribatua (ikastetxearen kodea: 31003911).

Osaera juridikoa: 8 unitate Derrigorrezko Oinarrizko Hezkuntzan eta 2 unitate HIPn.

Aldi baterako baimentzen diren unitateak: 2 unitate Derrigorrezko Oinarrizko Hezkuntzan eta unitate bat Helduarora Igarotzeko Programan, 2019-2020 ikasturterako; baimen horiek 2022-2023 ikasturtea bukatu arte luzatuko dira, baldin eta oraingo eskolatze beharrek irauten badute.

10. Mutiloako “Luis Amigó” ikastetxe pribatua (ikastetxearen kodea: 31000580).

Osaera juridikoa: 12 unitate Derrigorrezko Bigarren Hezkuntzan, gehienez 360 ikaspostu.

Aldi baterako baimentzen diren unitateak: unitate bat Derrigorrezko Bigarren Hezkuntzako lehen mailan, 2019-2020 ikasturtean; baimen hori luzatuko da harik eta 2022-2023 ikasturtean ikasleek Derrigorrezko Bigarren Hezkuntzako laugarren maila bukatzen duten arte, baldin eta oraingo eskolatze beharrek irauten badute.

Horretaz gainera, ikastetxeak Derrigorrezko Bigarren Hezkuntzan beste 3 unitatetarako aldi baterako baimena izaten jarraituko du, hura emateko araudian ezarritako baldintza beretan.

11. Iruñeko “Claret Larraona” ikastetxe pribatua (ikastetxearen kodea: 31004861).

Osaera juridikoa: 6 unitate Haur Hezkuntzako bigarren zikloan, gehienez 150 ikaspostu; eta 12 unitate Lehen Hezkuntzan, gehienez 300 ikaspostu.

12. Iruñeko “Hijas de Jesús” ikastetxe pribatua (ikastetxearen kodea: 31004731).

Osaera juridikoa: 16 unitate Derrigorrezko Bigarren Hezkuntzan, gehienez 480 ikaspostu.

Aldi baterako baimentzen diren unitateak: 2 unitate Oinarrizko Hezkuntza Berezian (Berariazko Unitateak Bigarren Hezkuntzako Ikastetxeetan), 2019-2020 ikasturterako; baimen horiek 2022-2023 ikasturtea bukatu arte luzatuko dira, baldin eta oraingo eskolatze beharrek irauten badute.

13. Iruñeko “Sagrado Corazón” ikastetxe pribatua (ikastetxearen kodea: 31004846).

Osaera juridikoa: 9 unitate Haur Hezkuntzako bigarren zikloan, gehienez 225 ikaspostu; eta 18 unitate Lehen Hezkuntzan, gehienez 450 ikaspostu.

14. Iruñeko “San Ignacio” ikastetxe pribatua (ikastetxearen kodea: 31004949).

Osaera juridikoa: 24 unitate Lehen Hezkuntzan, gehienez 600 ikaspostu; eta 16 unitate Derrigorrezko Bigarren Hezkuntzan, gehienez 480 ikaspostu.

Aldi baterako baimentzen diren unitateak: 2 unitate Oinarrizko Hezkuntza Berezian (Garapenaren Nahasmendu Orokorren Gela bat eta Berariazko Unitate bat Bigarren Hezkuntzako Ikastetxeetan), 2019-2020 ikasturterako; baimen hori 2022-2023 ikasturtea bukatu arte luzatuko da, baldin eta oraingo eskolatze beharrek irauten badute.

15. Iruñeko “Santa Catalina Laboure” ikastetxe pribatua (ikastetxearen kodea: 31004470).

Osaera juridikoa: 6 unitate Lehen Hezkuntzan, gehienez 150 ikaspostu.

16. Iruñeko “Santa Catalina-Santísimo Sacramento” ikastetxe pribatua (ikastetxearen kodea: 31008591).

Osaera juridikoa Derrigorrezko Bigarren Hezkuntzan: 8 unitate, gehienez ere 240 ikaspostu.

17. Iruñeko “Santa Teresa de Jesús” ikastetxe pribatua (ikastetxearen kodea: 31004721).

Osaera: 12 unitate Lehen Hezkuntzan, gehienez 300 ikaspostu; eta 8 unitate Derrigorrezko Bigarren Hezkuntzan, gehienez 240 ikaspostu.

Aldi baterako baimentzen diren unitateak: 2 unitate Oinarrizko Hezkuntza Berezian (Garapenaren Nahasmendu Orokorren Gela bat eta Berariazko Unitate bat Bigarren Hezkuntzako Ikastetxeetan), 2019-2020 ikasturterako; baimen horiek 2022-2023 ikasturtea bukatu arte luzatuko dira, baldin eta oraingo eskolatze beharrek irauten badute.

18. Iruñeko “Santo Tomás” ikastetxe pribatua (ikastetxearen kodea: 31004834).

19. Iruñeko “Vedruna” ikastetxe pribatua (ikastetxearen kodea: 31004986).

Osaera juridikoa Lehen Hezkuntzan: 12 unitate, gehienez ere 300 ikaspostu.

20. Sarrigurengo (Eguesibar) “Salesianos” ikastetxe pribatua (ikastetxearen kodea: 31013951).

Osaera juridikoa Derrigorrezko Bigarren Hezkuntzan: 8 unitate, gehienez ere 240 ikaspostu.

21. Sarrigurengo (Eguesibar) “Santa María la Real” ikastetxe pribatua (ikastetxearen kodea: 31004962).

Osaera juridikoa: 24 unitate Lehen Hezkuntzan, gehienez 600 ikaspostu.

22. Tafallako “Garcés de los Fayos ikastola” ikastetxe pribatua (ikastetxearen kodea: 31007550).

Osaera juridikoa: 3 unitate Haur Hezkuntzako bigarren zikloan, gehienez 75 ikaspostu; eta 6 unitate Lehen Hezkuntzan, gehienez 150 ikaspostu.

Aldi baterako baimentzen diren unitateak: unitate bat 3 urteko adinari dagokion mailan, 2019-2020 ikasturterako; baimen hori ikasleek 5 urteko adinari dagokion maila bukatzen duten arte luzatuko da, hau da, 2021-2022 ikasturtera arte, baldin eta oraingo eskola beharrek irauten badute.

Horrez gain, ikastetxeak Lehen Hezkuntzan beste 3 unitatetarako aldi baterako baimena izaten jarraituko du, horiek emateko araudiak ezarritako baldintza beretan.

23. Tuterako “Compañía de María” ikastetxe pribatua (ikastetxearen kodea: 31005772).

Osaera juridikoa: 9 unitate Haur Hezkuntzako bigarren zikloan, gehienez 225 ikaspostu; eta 18 unitate Lehen Hezkuntzan, gehienez 450 ikaspostu.

Aldi baterako baimentzen diren unitateak: unitate bat 3 urteko adinari dagokion mailan eta unitate bat Oinarrizko Hezkuntza Berezian (Garapenaren Nahasmendu Orokorren Gela), 2019-2020 ikasturterako; baimen horiek luzatuko dira harik eta ikasleek 2021-2022 ikasturtean 5 urteko adinari dagokion maila bukatzen duten arte, eta, Hezkuntza Bereziko unitatearen kasuan, 2022-2023 ikasturtea bukatzen den arte, baldin eta oraingo eskola beharrek irauten badute.

Ikastetxeak Haur Hezkuntzako bigarren zikloko beste 2 unitatetarako eta Lehen Hezkuntzako beste 5 unitatetarako aldi baterako baimena izaten jarraituko du, baimenak emateko araudian ezarritako baldintza beretan.

24. Tuterako “San Francisco Javier” ikastetxe pribatua (ikastetxearen kodea: 31005711).

Osaera juridikoa Derrigorrezko Bigarren Hezkuntzan: 20 unitate, gehienez ere 600 ikaspostu.

Iragarkiaren kodea: F1912859

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es