2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GULIAKO KONTZEJUA
Herri-lurren desafektazioa, 16. poligonoko 96. lurzatian. Hasierako onespena
Guliako Kontzejuko Batzarrak, 2026ko apirilaren 19an egindako bilkuran, hasiera batez onetsi zuen Guliako Kontzejuaren herri-lurretatik desafektatzea "00000195_001 Ziako eta Aginagako hornidura" proiektuak ukitutako lurrak (16. poligonoko 96. lurzatia), ondoren bide-zortasuna eratzeko Iruñerriko Zerbitzuak SAren alde. Hona hemen lur horien xehetasunak:
LURZATIAREN DATUAK | JABETZA | UKIPENAK |
Poligono
zk. | Lurzati
zk. | Udalerria | Herria | Erabilera/lur mota | Ukipena | Ubide zortasuna m.l. | Zortasunaren ezarpena (m²) | Aldi baterako okupazioa (m²) |
16 | 96 | ITZA | GULIA | LARREAK | GULIAKO KONTZEJUKO HERRI-LURRAK | Hodia | 7,00 | 42,00 | 140,00 |
Espedientea jendaurrean egonen da hilabetean, iragarki hau Nafarroako Aldizkari Ofizialean eta iragarki-taulan argitaratu eta biharamunetik hasita, beren burua interesduntzat jotzen dutenak ager daitezen eta aurkez ditzaten egoki irizten dieten alegazio, iradokizun edo erreklamazioak. Hori guztia, bat etorriz Nafarroako Toki Administrazioari buruzko uztailaren 2ko 6/1990 Foru Legearen 140. artikuluan xedatutakoarekin eta Nafarroako Toki-erakundeen Ondasunen gaineko Erregelamenduaren 143. artikuluan ezarritakoarekin (erregelamendu hori onetsi zen urriaren 18ko 280/1990 Foru Dekretuaren bidez).
Jendaurreko epean inork ez badu alegaziorik edo erreklamaziorik egiten, hasierako onespena behin betikoa bilakatuko da, eta espedientea igorriko zaio herri-lurretako ondasunen arloan eskumenak dituen Nafarroako Foru Komunitateko Administrazioko departamentuari, Nafarroako Gobernuak onets dezan.
Gulian, 2026ko maiatzaren 28an.–Kontzejuko burua, Iñaki Peñas Jiménez.
Iragarkiaren kodea: L2608005
