2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Laburpena, diru-laguntzen deialdiarena, Udalaren kirol-eskolak antolatzeko 2018ko urriaren 1etik 2019ko maiatzaren 31ra
Tokiko Gobernu Batzarra, 2018ko apirilaren 20koa.
Diru-laguntzei buruzko azaroaren 17ko 38/2003 Lege Orokorraren 17.3.b) eta 20.8.a) artikuluetan ezarritakoari jarraituz, argitara ematen da deialdiaren laburpena; haren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). DDBN (identifikazioa): 395360.
a) Onuradunak: kirol jarduerak garatzen dituzten irabazi-asmorik gabeko elkarteak eta beste entitateak, beren estatutuetan ezarritakoarekin bat.
b) Xedea: Udalaren saskibaloi, eskubaloi, pilota eta patin-hockeyko kirol-eskolen programak antolatu eta garatzea 2018ko urriaren 1etik abenduaren 31ra eta 2019ko urtarrilaren 1etik maiatzaren 31ra.
c) Oinarri arauemaileak: Diru-laguntzen Base Nazionalean eta Udalaren webgunean.
d) Zenbatekoa: 40.000 euro.
e) Eskabideak aurkezteko epea: 10 egun baliodun, iragarki hau Nafarroako Aldizkari Ofizialean argitaratzen denetik hasita.
Barañainen, 2018ko apirilaren 23an.–Alkate udalburua, Oihane Indakoetxea Barbería.
Iragarkiaren kodea: L1805414
