2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
IRUNBERRIKO GIZARTE ZERBITZUEN MANKOMUNITATEA
Izangaien zerrenda osatzeko deialdia, Irunberriko Gizarte Zerbitzuen Mankomunitatean (“San Isidro” zahar etxe eta psikogeriatrikoan) mediku gisa aldi baterako kontratatzeko
2018ko apirilaren 23an Irunberriko Gizarte Zerbitzuen Mankomunitateko (“San Isidro” zahar etxe eta psikogeriatrikoko) buruak, 7/2018 Ebazpenaren bidez, deialdia onetsi du izangaien zerrenda osatzeko, Irunberriko Gizarte Zerbitzuen Mankomunitatean (“San Isidro” zahar etxe eta psikogeriatrikoan) mediku gisa aldi baterako kontratatzeko, entitate horretan sortzen diren beharrei erantzutearren. Zerrenda erabil daiteke laneko bajengatik egin beharreko behin-behineko ordezkapenetarako, oporretarako eta Mankomunitatearen zerbitzuak indartzeko beharretarako. Hona hemen deialdiaren oinarriak:
OINARRIAK
1. oinarria. Deialdiaren xedea.
1.1. Deialdiaren xedea da izangaien zerrenda osatzea, Irunberriko Gizarte Zerbitzuen Mankomunitatean (“San Isidro” zahar etxe eta psikogeriatrikoan) mediku gisa aldi baterako kontratatzeko, entitate horretan sortzen diren beharrei erantzutearren. Zerrenda erabil daiteke laneko bajengatik egin beharreko behin-behineko ordezkapenetarako, oporretarako eta Mankomunitatearen zerbitzuak indartzeko beharretarako.
1.2. Eginkizunak lanpostuak berez ekartzen dituenak izanen dira, besteak beste honako hauek:
–Talde teknikoa eta zuzeneko arretarako langileak koordinatzea, bai eta erabiltzaileen arretan eragin zuzena edo zeharkakoa duten profesional guztiak ere.
–Erabiltzaileen banakako arreta planak gainbegiratzea.
–Laguntza protokolo eta prozeduren eguneraketa zuzendu eta gainbegiratzea.
–Pertsonan oinarritutako arreta bermatzeko behar diren antolaketa aldaketak bultzatzea.
–Zahar etxean erabiltzaileen egiazko parte-hartzea bultzatzea.
–Harremana koordinatzea ahaideekin, PAGNArekin eta, erabiltzaileen arreta hobetzeko behar denean, beste edozein erakunderekin.
1.3. Kontratatzen den langilea A maila edo taldean sartuko da eta hitzarmen kolektiboaren arabera dagozkion ordainsari eta osagarriak jasoko ditu, eta alta emanen zaio Gizarte Segurantzaren araubide orokorrean.
1.4. Zerbitzuaren premien arabera dagozkion lanaldia eta ordutegia izanen ditu, Nafarroako Administrazio Publikoen lan-kontratudunen hitzarmenean araututakoaren arabera, eta administrazio organo eskudunek noiznahi aldatzen ahalko dituzte.
1.5. Lanpostua “San Isidro” zahar etxe eta psikogeriatrikoen instalazioetan kokatzen da, Nafarroako Irunberri herrian.
2. oinarria. Izangaien betebeharrak.
2.1. Deialdi honetan onartuak izateko, izangaiek baldintza hauek bete beharko dituzte eskabideak aurkezteko epea bukatzen den egunean:
a) Espainiako herritarra izatea edo Europar Batasuneko estaturen batekoa edo, Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen batekoa.
b) Orobat, espainiarren eta Europar Batasuneko bertze estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, hogeita bat urtetik beherakoak badira, edo gorakoak baina haien kontura bizi direnak.
c) 16 urtetik gorakoa izatea eta nahitaezko erretirorako adina ez izatea.
d) Bete behar diren eginkizunetan aritzeko behar den gaitasun fisiko eta psikikoa izatea.
e) Eginkizun publikoak betetzeko gabetua edo desgaitua ez izatea, eta inongo administrazio publikoren zerbitzutik berezia ez izatea.
f) Medikuntza eta Kirurgiako lizentzia izatea. Horrez gain, prestakuntza osagarria izan behar dute mendekotasun, desgaitasun, geriatria edo gerontologia arloetan, edo mendekotasunaren arretarekin zerikusia beste ezagutza arlo batean.
2.2. Espainiako nazionalitatea ez duten izangaiek zinpeko aitorpena edo hitzematea aurkeztu beharko dute, beren estatuko Funtzio Publikoan sartzea galarazten dien diziplina-zehapenik edo kondena penalik ez dutela adierazteko.
2.3. Baldintza horiek guztiak agiri bidez egiaztatu beharko dituzte hautatzen diren eta aldi baterako kontrataziorako deia jasotzen dutenek, adierazten zaien unean, kontratua formalizatu aurretik.
2.4. Aski justifikaturik dauden ezinbesteko kasuetan salbu, aipatutako agiri horiek aurkezten ez dituztenak ezin izanen dira kontratatu, eta ordura arteko egintza guztiak baliorik gabe geldituko dira, euren eskabidearen faltsukeria dela-eta legokiekeen erantzunbeharra galarazi gabe.
2.5. Eskabideak aurkezteko epea bukatzen den egunerako bete beharko dira aurreko baldintzak, eta hautapen prozedurak eta kontratazioak iraun bitartean beharko dira bete.
3. oinarria. Eskaerak.
3.1. Eskabideak Irunberriko Gizarte Zerbitzuen Mankomunitatearen (“San Isidro” zahar etxe eta geriatrikoaren) erregistro orokorrean aurkeztu behar dira (Irunberriko Bijués etorbidea, zk.g., 314400; zahar etxearen eraikinean), edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aurreikusitako bideetako edozein erabiliz, II. eranskinean jasotzen den eskabidearen ereduari jarraituz. Parte hartzeko eskabidean, izangaiek adierazi behar dute baldintza guztiak betetzen dituztela eskabideak aurkezteko epea bukatzen den egunean.
3.2. Parte hartzeko eskabidearekin batera, Nortasun Agiri Nazionalaren fotokopia konpultsatua eta eskatzen den titulazioarena aurkeztu beharko dituzte, edo eskabideak aurkezteko epea burutzen denerako hura erdiesteko maneran izanen direla frogatzen duen agiriarena.
Orobat, desgaitasuna duten izangaiek egoera hori frogatzeko agiria erantsi beharko diote parte hartzeko eskabideari, eta, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea eta, hartarako, aparteko orri batean adierazi beharko dute nolako minusbaliotasuna duten eta zer egokitzapen eskatzen duten.
3.3. Eskabideak eta 3.2 oinarrian eskatutako agiriak aurkezteko epea hamabost egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.
3.4. Agiriak aurkezten badira Administrazio Prozeduraren Legeak baimendutako gainerako bideetakoren bat erabiliz, eskatzaileak eskabidea igorri dela jakinaraziko dio administrazio kontratatzaileari posta elektronikoz (fozlumbier@cniebla.com), eskabideak aurkezteko epearen azken eguna eta ordua baino lehen.
Bi betekizun horiek gabe dokumentazioa ez da onartuko, kontratazio organoak jasotzen badu oinarri hauetan adierazitako epea amaitzeko eguna eta ordua pasatu eta gero.
Dena den, aipatutako epea iragan eta hiru eguneko epean dokumentazioa jasotzen ez bada, ez da inola ere onartuko.
4. oinarria. Izangaien onarpena eta erreklamazioak.
4.1. Eskabideak aurkezteko epea bukatutakoan, Mankomunitateko buruak ebazpena emanen du izangai onartuen eta baztertuen behin-behineko zerrendak onesteko, eta Irunberriko Gizarte Zerbitzuen Mankomunitatearen (“San Isidro” zahar etxe eta geriatrikoaren) iragarki-taulan (Irunberriko Bijués etorbidean) eta Irunberriko Udalaren web-orrian (www.lumbier.es) argitaratzeko aginduko du.
Argitaratu ondoko hiru egun baliodunetan, izangaiek erreklamazioak egiten ahalko dituzte edo eskabidean egindako akatsak zuzendu.
4.2. Erreklamazioak aurkezteko epea bukatu eta haiek ebatzi ondoan, Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) buruak ebazpena emanen du izangai onartu eta baztertuen behin betiko zerrendak onesteko; hura Mankomunitateko iragarki-taulan eta Irunberriko Udalaren web-orrian (www.lumbier.es) jarriko da jendaurrean, deialdi honen 7. oinarrian aipatzen den hautaproba egiteko eguna, ordua eta tokia adierazita.
4.3. Izangai bazterturik ez bada, zuzenean onetsiko da izangaien behin betiko zerrenda, eta Irunberriko Gizarte Zerbitzuen Mankomunitatearen (“San Isidro” zahar etxe eta geriatrikoaren) iragarki-taulan eta Irunberriko Udalaren web-orrian (www.lumbier.es) argitaratuko da, deialdi honetako hautaproba egiteko eguna eta tokia adierazita.
4.4. Onartuen zerrendetan agertzeak ez du esan nahi interesdunei aitortu zaienik deialdi honetan eskatutako baldintzak betetzen dituztela. Izangaiek kontratazioa egiteko deia egiten zaielarik aurkeztu behar duten dokumentazioa aztertutakoan baldintzaren bat betetzen ez dela ohartuz gero, interesdunek deialdi honetan parte hartzeagatik dituzten eskubide guztiak galduko dituzte.
5. oinarria. Kalifikazio-epaimahaia.
5.1. Honako hauek osatuko dute epaimahaia:
Epaimahaiburua: Mauro Gogorcena Aoiz, Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) burua.
Ordezkoa: Andrés Nicuesa Goyeneche, Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) batzarreko kidea.
1. mahaikidea: Alberto Sola Mateos. Eskubide Sozialetako Departamentua.
Ordezkoa: Javier Zugasti Moriones. Eskubide Sozialetako Departamentua.
2. mahaikidea: Rocío Monclús Manjón, ordezkari sindikala.
Ordezkoa: Enrique Ollo Aristu, ordezkari sindikala.
3. mahaikidea: M.ª Carmen Maeztu Villafranca. Eskubide Sozialetako Departamentua.
Ordezkoa: Natalia Zarranz Oreste. Eskubide Sozialetako Departamentua.
Idazkaria: Itziar Almarza Nantes, Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) idazkaria.
Ordezkoa: Lucía Machín Llarri, Nabaskozeko Udaleko idazkaria.
5.2. Epaimahaiko kideek parte hartzeari uko egin beharko diote eta Irunberriko Udalari hala jakinarazi, baldin Sektore Publikoaren Araubide Juridikoari buruzko urriaren 1eko 40/2015 Legean abstentziorako aurreikusiak dauden arrazoiak suertatzen badira.
Izangaiek, halaber, zilegi dute epaimahaikideak errekusatzea, inguruabar horietako bat gertatzen denean.
Epaimahaia aldatzen bada, epaimahaikideek beraiek uko egiteko edo haiek errekusatzeko legez ezarritako kasuak direla-eta, aditzera emanen da, izangai onartu eta baztertuen zerrendekin batera.
5.3. Hautaprobak hasi baino lehen eratuko da epaimahaia.
Epaimahaia ezin izanen da eratu, ezta jardun ere, kideen gehiengo osoa gutxienez bildu gabe.
Halaber, epaimahaiaren eraketak balio izateko, mahaiburuak eta idazkariak edo haien ordezkoek bertan egon beharko dute.
5.4. Epaimahaiak gehiengoz ebatziko ditu deialdiko oinarrien interpretazio eta aplikazioari buruz sortzen diren arazoak.
5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emango diote laguntza epaimahaiari.
6. oinarria. Hautaproben nondik-norakoak eta balorazioa.
6.1. Probaren tokia, eguna eta ordua Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) iragarki-taulan (Irunberriko Bijués etorbidea, zk.g.) argitaratuko dira, bai eta Irunberriko Udalaren web-orrian ere (www.lumbier.es).
6.2. Hautapen prozesuan idatzizko proba teoriko bat eginen da, eta gero ahoz defendatu beharko da.
Proba teorikoan kasu praktiko bat edo bi ebatzi beharko da idatziz, epaimahaiak gai-zerrendako gaien gainean planteatzen dituen alderdiei buruz. Gero, ahoz irakurriko beharko dira ariketak, eta epaimahaiak galderak egiten ahalko ditu argitzeko asmoz.
6.3. Izangaiak aldi baterako kontratatzeko zerrendan hautapen prozesua gainditu dutenak egonen dira, lortutako puntuazioaren arabera ordenatuta.
6.4. Dei bakarra eginen da, eta izangaiek Nortasun Agiri Nazionala, gidabaimena edo pasaportea eraman beharko dute. Baztertuko dira agertzen ez direnak edo nortasuna aipatutako agirien bidez frogatzen ez dutenak.
7. oinarria. Probak gainditzen dituztenen zerrenda eta lanean hasteko deia.
7.1. Hautapen prozesua bukaturik, epaimahaiak jendaurrean jarriko du proba gainditzen duten izangaien zerrenda, lortutako puntuazioaren arabera ordenatuta, Irunberriko Gizarte Zerbitzuen Mankomunitatearen (“San Isidro” zahar etxe eta geriatrikoaren) iragarki-taulan, eta Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) buruari helaraziko dio, baita hautapen prozesuaren espediente osoa ere, behin betiko onets dezan.
7.2. Izangai bi edo gehiago puntuetan berdindurik badaude, berdinketa zozketa bidez hautsiko da.
7.3. Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) buruak onetsi ondoren, izangaien zerrenda argitaratuko da Irunberriko Gizarte Zerbitzuen Mankomunitatearen (“San Isidro” zahar etxe eta geriatrikoaren) iragarki-taulan eta Irunberriko Udalaren web-orrian (www.lumbier.es).
8. oinarria. Kontratazio zerrenden kudeaketa.
8.1. Deialdi honetan ezarrita ez dagoen orotan, Lehendakaritza, Justizia eta Barneko kontseilariak abenduaren 31n emandako 814/2010 Foru Aginduan ezarritakoa hartuko da kontuan zerrendak kudeatzeko, haren bitartez onetsi baitziren aldi baterako kontratazioa kudeatzeko arauak.
9. oinarria. Errekurtsoak.
Deialdi honen, oinarrien eta aplikatzeko egintzen aurka errekurtso hauetako bat aurkez daiteke, hautara:
a) Berraztertzeko errekurtsoa, egintza burutu duen organo berari zuzendua, hilabeteko epean, hura jakinarazi edo argitaratu eta biharamunetik hasita.
b) Administrazioarekiko auzi-errekurtsoa, Administrazioarekiko Auzien Iruñeko Epaitegiari zuzendua, bi hilabeteko epean, errekurtsoaren xedeko egintza edo erabakia jakinarazi edo argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.
Epaimahaiaren egintzen aurka gora jotzeko errekurtsoa aurkez daiteke, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.
Irunberrin, 2018ko apirilaren 24an.–Irunberriko Gizarte Zerbitzuen Mankomunitateko (“San Isidro” zahar etxe eta geriatrikoko) burua, Mauro Gogorcena Aoiz.
I. ERANSKINA
Gai-zerrenda
Lehen zatia.
1. gaia.–15/2006 Foru Legea, abenduaren 14koa, Gizarte Zerbitzuei buruzkoa: eskubideak eta betebeharrak. Gizarte zerbitzuen sistema publikoak.
2. gaia.–15/2006 Foru Legea, abenduaren 14koa, Gizarte Zerbitzuei buruzkoa: eskumenen eta antolaketaren gaineko araubidea. Gizarte zerbitzuen sistema publikoaren finantzaketa. Gizarte zerbitzuetako profesionalen parte-hartzerako eta kontsultarako organoak.
3. gaia.–15/2006 Foru Legea, abenduaren 14koa, Gizarte Zerbitzuei buruzkoa: ekimen pribatua. Kalitatea, ikuskapena eta zehapen araubidea.
4. gaia.–39/2006 Legea, abenduaren 14koa, autonomia pertsonala sustatzeari eta mendekotasun-egoeran dauden pertsonak zaintzeari buruzkoa.
5. gaia.–69/2008 Foru Dekretua, ekainaren 17koa, Gizarte Zerbitzu Orokorren Zorroa onesten duena. Definizioak. Aplikazio eremua. Prestazioen xedeko pertsonak. Administrazioen eskumenak.
6. gaia.–15/1999 Lege Organikoa, abenduaren 13koa, Datu Pertsonalak Babesteari buruzkoa.
Bigarren zatia.
1. gaia.–Gerontologia eta geriatria kontzeptua. Zahartzearen alderdi biopsikosozialak.
2. gaia.–Zahar osasuntsua. Biziera eta oinarrizko premien azterketa. Zahartzaroan osasuntsu egoteko gomendioak. Bizi kalitatea, eta haren balorazioa.
3. gaia.–Hauskortasuna: esku-hartzea zahar hauskorrekin.
4. gaia.–Zaharren eritasuna, desgaitasuna eta mendekotasuna. Eri geriatrikoaren balorazioa. Baloratzeko eskalak.
5. gaia.–Sindrome geriatrikoak: mugiezintasuna, ezegonkortasuna eta erorikoak, inkontinentzia, dementzia eta deliriuma, depresioa, loezina, infekzioak, desnutrizioa, idorreria, nahasmendu sentsorialak, iatrogenia, immunoeskasiak, inpotentzia eta nahasmendu sexualak.
6. gaia.–Adineko pertsonen patologia ohikoenak.
7. gaia.–Arreta osoa: esku-hartze terapeutikoa adineko pertsonekin. Preskripzio farmakologikoaren oinarriak. Errehabilitazioa. Esku-hartze psikologikoa. Akonpainamendu soziala eta espirituala.
8. gaia.–Laguntza gaixotasun terminala duten adinekoentzat. Heriotza, bizitzaren prozesu bat. Akonpainamendua egoitza-zentroan. Bizi-testamentua.
9. gaia.–Alderdi bioetikoak adinekoen arretan. Zabarkeria, abusua eta tratu txarrak adinekoekin.
10. gaia.–Osasun kudeaketa. Kudeaketa prozesua egoitza-zentroetan. Prozedurak, protokoloak eta kalitate adierazleak.
11. gaia.–Lantaldeen kudeaketa. Talde-lana eta diziplinartekotasuna arretan.
12. gaia.–Pertsonan oinarritutako plangintza.
13. gaia.–Erabiltzaileen parte-hartzea egoitza-zentroetan. Boluntariotza eta adinekoak.
14. gaia.–Jarduteko gaitasuna aldatzeko prozedura.
Iragarkiaren kodea: L1805633
