1. NAFARROAKO FORU KOMUNITATEA
1.7. BESTELAKOAK
1196/2018 EBAZPENA, otsailaren 22koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, 2018-2019 ikasturterako ikaspostu hutsen eskaintza onesten duena Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako deialdirako.
Ikusita Hezkuntzako zuzendari nagusiaren abenduaren 21eko 623/2017 Ebazpena, funts publikoak jasotzen dituzten Haur Hezkuntzako lehen zikloko ikastetxeetan 2018-2019 ikasturtean haurrak onartzeko prozedura arautzen duena.
Ikusita Pertsonen Autonomiarako eta Garapenerako Nafarroako Agentziaren menpeko haur eskoletako neska-mutikoentzako ikaspostuen 2018-2019 ikasturteko deialdia kudeatuko duen Hautapen Batzordearen akta.
Horrenbestez, Pertsonen Autonomiarako eta Garapenerako Nafarroako Agentziaren estatutuak onetsi zituen irailaren 3ko 172/2015 Foru Dekretuak eman dizkidan ahalmenak erabiliz,
EBATZI DUT:
1. 2018-2019 ikasturterako ikaspostu hutsen eskaintza onestea Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen deialdirako. Postu horiek ebazpen honen eranskinean jaso dira.
2. Ebazpen hau Nafarroako Aldizkari Ofizialean argitaratzea.
3. Ebazpen hau Familiaren eta Adingabeen Zuzendariordetzara igortzea, behar diren ondorioak izan ditzan, eta ohartaraztea ebazpenak ez duela administrazio bidea amaitzen eta, haren kontra, gora jotzeko errekurtsoa jartzen ahal dela, Eskubide Sozialetako kontseilariari zuzendua, jakinarazi eta biharamunetik hasita hilabeteko epean.
Iruñean, 2018ko otsailaren 22an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
ERANSKINA 262 ikaspostu eskaintzen dira, honela banatuta ikastetxe eta adinen arabera: |
SEKTOREAK | JAIOTZE URTEA | N. JESÚS
Lanaldi osoa | N. JESÚS
Lanaldi erdia | EGUN SENTI | SANTA TERESA | SANDUZELAI
Gaztelania | SANDUZELAI
Euskara | LOS ANGELES
Gaztelania | LOS ANGELES
Euskara | ORREAGA | NINIA ETXEA | GUZTIRA |
Handiak | 2016ko urtarrilaren 1a 2016ko abuztuaren 31 | 11 | 9 | 14 | 5 | 5 | 4 | 1 | 0 | 7 | 2 | 58 |
Ertainak | 2016ko irailaren 1a 2016ko abenduaren 31 | 6 | 4 | 5 | 2 | 2 | 3 | 3 | 0 | 6 | 2 | 33 |
Ibiltariak | 2017ko urtarrilaren 1a 2017ko irailaren 30a | 10 | | 16 | 10 | 2 | 4 | 3 | 5 | 13 | 17 | 80 |
Bularrekoak, Iruña | 2017ko urriaren 1a 2018ko apirilaren 26a | | | | 14 | 7 | 7 | 7 | 7 | 7 | 14 | 63 |
Bularreko haurrak, Burlata eta Corella | 2017ko urriaren 1a 2018ko maiatzaren 2a | 14 | | 14 | | | | | | | | 28 |
Guztira | 41 | 13 | 49 | 31 | 16 | 18 | 14 | 12 | 27 | 35 | |
Iragarkiaren kodea: F1802928
