2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
FUNES
Borondatezko birzatiketa proiektua AR-6.3 eremuan. Behin betiko onespena
Alkatetzaren 2018ko urriaren 3ko ebazpenaren bidez, behin betiko onetsi zen Funesko AR-6.3 banaketa-eremua garatzeko borondatezko birzatiketa proiektua, birzatiketa batzordeak sustatua. Halaber, Nafarroako Aldizkari Ofizialean argitaratzeko agindu zen, baita ebazpen honen ziurtagiria Tafallako Jabetza Erregistroari bidaltzeko ere, administrazio bidean irmoa izatera ailegatzen denean. Hura inskribatzeko, birzatiketa proiektuaren ale bat ere igorriko da ziurtagiriarekin batera, behar bezala eginbidetuta, uztailaren 26ko 1/2017 Legegintzako Foru Dekretuaren 152.4 artikuluan ezarritakoa bete beharrez.
Erabaki horren aurka, errekurtso hauetariko bat aurkez daiteke, hautara:
–Berraztertzeko errekurtsoa, egintzaren organo egileari zuzendua, hilabeteko epean, erabaki hau jakinarazi edo argitaratu eta biharamunetik hasita.
–Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, erabaki hau jakinarazi edo argitaratu eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, erabaki hau jakinarazi edo argitaratu eta hurrengo hilabetean.
Funesen, 2018ko urrairen 4an.–Alkatea, Ignacio Domínguez Martínez.
Iragarkiaren kodea: L1814379
