1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
772/2018 EBAZPENA, urriaren 31koa, Unibertsitateen eta Hezkuntza Baliabideen zuzendari nagusiak emana, Nafarroako Unibertsitate Publikoari 87.289,52 euroko zenbatekoa ordaintzen diona, uztailaren 21eko 726/2017 Errege Dekretuaren 3. xedapen gehigarrian ezarritako matrikula beka osatzeko, 2017-2018 ikasturte akademikoko izaera orokorreko beken deialdiko bekadunentzat, Hezkuntza, Lanbide Heziketa eta Unibertsitateetako Estatu Idazkaritzak 2017ko abuztuaren 13an onartutako Ebazpena betez.
Uztailaren 21eko 726/2017 Errege Dekretuaren 3. xedapen gehigarriak ezartzen du Hezkuntza, Kultura eta Kirol Ministerioak unibertsitateari emandako kopurua matrikula beken kostua baino txikiagoa denean (Autonomia Erkidegoak finkatua 2017/18 ikasturterako) Autonomia Erkidego horri egokituko zaiola aldea konpentsatzea unibertsitateari, bekaren onuraduna betebehar ekonomikorik gabe gera dadin.
Ikusirik horri buruz Baliabide Ekonomikoen Zerbitzuko zuzendariak aurkeztutako txostena, eta Nafarroako Unibertsitate Publikoari dagozkion ziurtagiriak.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Uztailaren 21eko 726/2017 Errege Dekretuaren 3. xedapen gehigarrian ezarritako matrikula beka osatzeko 87.289,52 euroko gastua baimentzea. Gastu horietatik, 87.182,42 euro 2017/2018 ikasturteko 1.537 bekaduni dagozkie, eta 107,10 euro, berriz, Ministerioak baietsitako bi berraztertzeko errekurtsori. Deialdiaren jakinarazpena Diru-laguntzen Datu-base Nazionalean (DDBN) egitean gastua baimentzeari esleitutako identifikazio kodea 419610 da.
2. Nafarroako Unibertsitate Publikoari (IFZ: Q3150012G) 87.289,52 euroko zenbatekoa baimentzea, aipatutako kontzeptuagatik, 2018ko Gastuen Aurrekontuko “14/2012 Errege Lege Dekretuaren aplikazioa. Unibertsitateei konpentsatzea” izeneko 410002/41140/4800/323102 partidaren kargura.
3. Ebazpen hau Nafarroako Aldizkari Ofizialean argitaratzea eta adieraztea ebazpen honen aurka gora jotzeko errekurtsoa aurkezten ahal dela, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
4. Ebazpen hau Ogasuneko eta Finantza Politikako Departamentuak Hezkuntzakoan duen kontu-hartzaile delegatuari, Nafarroako Unibertsitate Publikoari, Baliabide Ekonomikoen Zerbitzuari, Ikastetxeen, Finantzaketaren eta Ikasketetarako Laguntzen Atalari, eta Kudeaketa Ekonomikoaren Bulegoari igortzea.
Iruñean, 2018ko urriaren 31n.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1813431
