2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Udal Planaren aldaketa. Hasierako onespena
Zizur Nagusiko Udalak, 2018ko irailaren 27an eginiko osoko bilkuran, ondorengoak erabaki zituen:
1.–Zizur Nagusiko Udal Planaren aldaketa xehakatua, planaren barruan dagoen Hirigintzako Araudi Orokorrari dagokiona, bilkurako txostenean azaltzen den moduan hasiera batean onestea.
2.–Aldaketa horri buruzko informazioa jendaurrean jartzea, Nafarroako Aldizkari Ofizialean, Nafarroan argitaratzen diren egunkarietan eta Udaleko ohar-taulan hilabete bateko eperako argitaratuz.
3.–Aldaketa horretan onetsitako hirigintzako araubidearekin bat ez datozen ezaugarriak dituzten eraikitze-lizentziak ez emateko agintzea. Egindako aldaketek izaera orokorra dutenez, lizentziak ez emateko aginduak udal esparru guztian du eragina, salbu eta maila juridiko urbanistiko handiagoa duten esparruen kasuan. Aldaketaren edukia kontuan hartuta, hiri-lur gisa sailkatutako lurzoruan du eragina. Lizentziak ez emateko epea Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 70.3 artikuluak ezarritakoa izanen da.
Guztiek jakin dezaten argitaratzen da.
Zizur Nagusian, 2018ko urriaren 1ean.–Alkatea, Jon Gondán Cabrera.
Iragarkiaren kodea: L1812119
