18. ALDIZKARIA - 2017ko urtarrilaren 26a

1. NAFARROAKO FORU KOMUNITATEA

1.7. BESTELAKOAK

900/2016 EBAZPENA, azaroaren 30ekoa, Unibertsitateen eta Hezkuntza Baliabideen zuzendari nagusiak emana, Unibertsitateen eta Hezkuntza Baliabideen zuzendari nagusiaren urriaren 24ko 750/2016 Ebazpenean atzemandako akatsa zuzentzen duena. Haren bidez, Iruñeko “María Inmaculada” Lanbide Heziketako ikastetxe pribatuak irekitzeko eta funtzionatzeko duen baimena aldatu zen, ikasketak aldatzeagatik.

Akatsa atzemanda ikastetxeak ematen duen prestakuntza zikloan, Unibertsitateen eta Hezkuntza Baliabideen zuzendari nagusiaren urriaren 24ko 750/2016 Ebazpeneko 2. ataleko lehen paragrafoko b) letran jasotzen den horretan, beharrezkoa da hura zuzentzea. Ebazpen horren bidez, Iruñeko “María Inmaculada” Lanbide Heziketako ikastetxe pribatuak irekitzeko eta funtzionatzeko duen baimena aldatu zen, ikasketak aldatzeagatik.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,

EBATZI DUT:

1. Unibertsitateen eta Hezkuntza Baliabideen zuzendari nagusiaren urriaren 24ko 750/2016 Ebazpenaren 2. ataleko lehen paragrafoko b) letran aipatutako heziketa zikloaren izena zuzentzea, honela:

Honela dioen tokian:

–“Administrazioa eta Finantzak” heziketa zikloa, “Administrazioa eta Kudeaketa” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 60 ikaspostu, goizeko txandan”.

Honako hau esan behar du:

–“Kudeaketa administratiboa” heziketa zikloa, “Administrazioa eta Kudeaketa” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 60 ikaspostu, goizeko txandan”.

2. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratuko da.

4. Ebazpen hau igortzea ikastetxearen titularrari, Hezkuntzako Ikuskapen Zerbitzuari, Lanbide Heziketaren Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Obra Atalari eta Kontratazioaren, Zerbitzu Osagarrien eta Koordinazio Administratiboaren Atalari, baita Ikastetxeetako Informazioa Kudeatzeko Bulegoari ere.

Iruñean, 2016ko azaroaren 30ean.–Unibertsitateen eta Hezkuntza Baliabideen zuzendari nagusia, Nekane Oroz Bretón.

Iragarkiaren kodea: F1614299