1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
39C/2017 EBAZPENA, martxoaren 17koa, Politika Ekonomiko eta Enpresarialaren eta Lanaren zuzendari nagusiak emana, Zizur Nagusiko Udaleko langileentzako –finkoak eta aldi baterakoak– hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Zizur Nagusiko Udaleko langileentzako –finkoak eta aldi baterakoak– hitzarmen kolektiboaren testua (kode zenbakia: 31007942012001) aztertu da, erregistro honetan 2017ko urtarrilaren 19an sartu zena eta, 2016ko azaroaren17an enpresaren eta sindikatuetako ordezkariek sinatua eta 2017ko otsailaren 24an zuzendua, Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatietan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko martxoaren 17an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Zizur Nagusiko Udaleko langile finko eta aldi baterakoen hitzarmen kolektiboa (PDFa).
Iragarkiaren kodea: F1703583