241. ALDIZKARIA - 2016ko abenduaren 16a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

6974/2016 EBAZPENA, azaroaren 28koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, María Montserrat Equiza Ortigosa andrea El Vergel zahar etxeko zuzendari izendatzen duena.

Irailaren 3ko 172/2015 Foru Dekretuaren bidez onetsitako Pertsonen Autonomiarako eta Garapenerako Nafarroako Agentziaren estatutuen 24. artikuluak xedatzen duenez, erakunde autonomo horri atxikitako zentro berekietako zuzendaritza lanpostuak, postu horien titularrek eskuratu dituzten eskubideak galarazi gabe, izendapen librearen bidez beteko dira, Nafarroako Foru Komunitateko Administrazioko eta haren erakunde autonomoetako funtzionarioen artean. Izendatzea eta kargutik kentzea Pertsonen Autonomiarako eta Garapenerako Nafarroako Agentziako zuzendari kudeatzaileari dagokio.

Horiek horrela, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuan eta Pertsonen Autonomiarako eta Garapenerako Nafarroako Agentziaren estatutuak onesten dituen irailaren 3ko 172/2015 Foru Dekretuan ezarritakoarekin bat,

EBATZI DUT:

1. María Montserrat Equiza Ortigosa andrea Pertsonen Autonomiarako eta Garapenerako Nafarroako Agentziako El Vergel zahar etxeko zuzendari izendatzea.

2. Ebazpen honek 2016ko abenduaren 1etik aurrera izanen ditu ondorioak.

3. Ebazpen hau El Vergel zahar etxeari, Pertsonen Autonomiarako eta Garapenerako Nafarroako Agentziari, Funtzio Publikoko Zuzendaritza Nagusiko Langileriaren Gastuaren Kontrolaren eta Nominen Zerbitzuari eta Langileriaren Kudeaketako Zerbitzuari igortzea, eta interesdunari jakinaraztea, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2016ko azaroaren 28an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.

Iragarkiaren kodea: F1613513