156. ALDIZKARIA - 2016ko abuztuaren 12a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

HEZKUNTZA DEPARTAMENTUA. Iragarkia, maiatzaren 23ko 1277/2016 Ebazpenaren aurkako errekurtsoko interesdunak epatzen dituena; ebazpen horren bidez, maisu-maistren kidegoan sartzeko hautapen prozeduran onartu eta baztertutako izangaien behin betiko zerrendak onetsi ziren.

Iragarki honen bidez aditzera ematen da María Poveda Ibáñez andreak gora jotzeko errekurtsoa jarri duela Hezkuntza Departamentuko Giza Baliabideen Zerbitzuko zuzendariaren maiatzaren 23ko 1277/2016 Ebazpenaren aurka, hots, maisu-maistren kidegoan, Nafarroako Foru Komunitateko Administrazioaren kudeaketa esparruko lanpostuetan, sartzeko hautapen prozeduran, Gorputz Hezkuntzaren espezialitatean (gaztelaniaz) onartu eta baztertu diren izangaien behin betiko zerrendak onetsi dituen ebazpenaren aurka.

Horiek horrela, eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 112. eta 59. artikuluetan xedatutakoari jarraikiz, Gorputz Hezkuntzako espezialitateko (gaztelaniaz) interesdun guztiei dei egiten zaie, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, alegazioak egin ditzaten Hezkuntza Departamentuaren Erregistroan aurkeztuta (Iruñeko San Domingo aldapa, z.g.) edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan ezarritako bideetatik edozein erabiliz.

Aurkeztutako errekurtsoaren kopia (espediente zenbakia: 0004-ED02-2016-000037) interesdunen eskura dago Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa, z.g.).

Iruñean, 2016ko abuztuaren 2an.–Hezkuntza Departamentuko idazkari tekniko nagusia, Javier Lacarra Albizu.

Iragarkiaren kodea: F1609221