1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Politika Ekonomiko eta Enpresarialaren eta Lanaren zuzendari nagusiaren abuztuaren 1eko 925/2016 Ebazpenarena; ebazpen horren bidez, udal poligono eta lokalak sustatzeko diru-laguntzen 2016ko deialdia onetsi da, haietan jarduera ekonomikoak garatzeko.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://http://www.pap.minhap.gob.es/bdnstrans/eu/index): BDNS (identifikazioa): 314025.
Lehendabizikoa.–Onuradunak.
Nafarroako toki entitateak, haien menpeko sozietate publikoak eta Nafarroako Lurzorua eta Etxebizitzak, S.A.
Bigarrena.–Xedea.
Diru-laguntza ematea hurrengo jarduketei haietan jarduera ekonomikoak egiteko: industrialde berriak sustatzea; poligono eskasak azpiegitura berriez hornitzea; eta eraikinak gaitzea bulegoak edo lantegiak jartzeko, gero enpresei alokatzeko.
Hirugarrena.–Oinarri arautzaileak.
Politika Ekonomiko eta Enpresarialaren eta Lanaren zuzendari nagusiaren ebazpenaren bidez onetsitako oinarri arautzaileak, Atarian argitaratuak URL honekin:
http://www.navarra.es/home_es/ServiciosEmpleado/ficha/16035/Convocatoria-de-subvenciones-por-la-promocion-de-poligonos-y-locales-municipales-para-el-desarrollo-de-actividades-economicas
Laugarrena.–Zenbatekoa.
Proiektuen %70erako emanen da diru-laguntza, bai eta lur erosketaren, obren eta obra zuzendaritzaren %20rako ere.
Deialdirako onetsi den gastua 100.000 eurokoa da.
Bosgarrena.–Eskaerak aurkezteko epea.
Nafarroako Aldizkari Ofizialean argitaratzen den egunetik 2016ko irailaren 15a arte.
Iruñean, 2016ko abuztuaren 1ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1609335
