162. ALDIZKARIA - 2015eko abuztuaren 20a

1. NAFARROAKO FORU KOMUNITATEA

1.7. BESTELAKOAK

336/2015 EBAZPENA, uztailaren 21ekoa, Hezkuntzaren, Lanbide Heziketaren eta Unibertsitateen zuzendari nagusiak emana, goi mailako heziketa zikloetan sartzeko probak prestatzeko ikastaroen ezarpena baimentzen duena 2015-2016 ikasturterako, Nafarroako Foru Komunitateko ikastetxeetan.

Hezkuntzari buruzko maiatzaren 3ko 2/2006 Lege Organikoaren 41.5 artikuluak ezartzen du hezkuntza administrazioek goi mailako lanbide heziketan sartzeko probak prestatzeko ikastaroak programatu eta eskaini ahalko dituztela, 44. artikuluaren 1. idatz-zatian aipatzen den teknikari titulua dutenentzat.

Nafarroako Foru Komunitateko hezkuntza sistemako lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak, 7.3 artikuluan, xedatzen du Hezkuntza Departamentuak heziketa zikloetan sartzeko probak prestatzeko ikastaro bat programatu eta eskaini ahalko duela. Haren aprobetxamendua kontuan hartuko da proba horietan.

Lanbide Heziketaren eta Unibertsitateen zuzendari nagusiak urtarrilaren 27an emandako 8/2010 Ebazpenak (otsailaren 11ko 31/2010 Ebazpenaren bidez aldatuak) Lanbide Heziketako goi mailako heziketa zikloetan sartzeko probak prestatzeko ikastaroa ezartzen du.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Ebazpen honen 1. eta 2. eranskinetan ageri diren ikastetxe bateratu politeknikoei, Bigarren Hezkuntzako institutuei eta ikastetxe pribatu itunduei baimena ematea goi mailako heziketa zikloetan sartzeko probak prestatzeko ikastaroak egiteko, 2015-2016 ikasturtean.

2. Probak prestatzeko ikastaro horiek Lanbide Heziketaren eta Unibertsitateen zuzendari nagusiak urtarrilaren 27an emandako 8/2010 Ebazpenean xedatutakoari jarraikiz eginen dira. Ebazpen hori otsailaren 11ko 31/2010 Ebazpenaren bidez aldatu zen.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen hau eta eranskinak igortzea Lanbide Heziketaren Zerbitzura, Hezkuntzako Ikuskapen Zerbitzura, Antolamenduaren eta Aukera Berdintasunaren Zerbitzura, Baliabide Ekonomikoen Zerbitzura, Lanbide Heziketaren Plangintza, Antolamendu eta Garapenerako Atalera, Ikasketak Antolatzeko Atalera, Ikastetxeen, haien Finantzaketaren eta Ikasketetarako Laguntzen Atalera eta ikastetxe ukituetara.

Iruñean, 2015eko uztailaren 21ean.–Hezkuntzaren, Lanbide Heziketaren eta Unibertsitateen zuzendari nagusia, Iñigo Huarte Huarte.

1. ERANSKINA

Goi mailako heziketa zikloetan sartzeko probak prestatzeko ikastetxe bateratuetan eta Bigarren Hezkuntzako institutuetan emanen diren ikastaroen eskaintza, 2015-2016 ikasturterako

Ikasgelako modalitatea

Ikastetxe publikoak.

HERRIA

IKASTETXEA

MODALITATEA

TALDEAK

Burlata

Ibaialde BHI

Osasun Zientziak

1

Elizondo

“Elizondo L.H.” BHI

Zientziak eta Ingeniaritza

1 mistoa

Gizarte Zientziak

Lizarra

I.B. Politeknikoa

Zientziak eta Ingeniaritza

1 mistoa

Gizarte Zientziak

Iruña

María Ana Sanz Administrazioko, Merkataritzako eta Informatikako Ikastetxe Bateratua

Gizarte Zientziak

1

Nafarroako Lanbide Eskola Tekniko Sanitarioa IB

Osasun Zientziak

2

Donapea IBP

Zientziak eta Ingeniaritza

1

Gizarte Zientziak

1

Virgen del Camino IBP

Zientziak eta Ingeniaritza

1

San Juan-Donibane IB

Zientziak eta Ingeniaritza

1

Tafalla

Tafalla IBP

Zientziak eta Ingeniaritza

1

Gizarte Zientziak

1

Tutera

“ETI” IBP

Zientziak eta Ingeniaritza

1

Gizarte Zientziak

1

Osasun Zientziak

1

Tutorepeko urrutiko modalitatea

Ikastetxe publikoak.

HERRIA

IKASTETXEA

MODALITATEA

TALDEAK

Iruña

“Felix Urabayen” N.H.B.H.I.

Gizarte Zientziak

1

2. ERANSKINA

Goi mailako heziketa zikloetan sartzeko probak prestatzeko ikastetxe bateratu pribatuetan eta ikastetxe pribatu itunduetan emanen diren ikastaroen eskaintza, 2015-2016 ikasturterako

Ikasgelako modalitatea

Ikastetxe itunduak.

IKASTETXEA

HERRIA

MODALITATEA

TALDEAK

"Salesianos Politeknikoa" I.B. pribatua

Iruña

Zientziak eta Ingeniaritza

2

Gizarte Zientziak

1

“Cuatrovientos” ikastetxe bateratu pribatua

Iruña

Gizarte Zientziak

1

"María Inmaculada" L.H.I.P.

Iruña

Gizarte Zientziak

1 mistoa

Osasun Zientziak

Iragarkiaren kodea: F1510763