2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARINOAIN
Alkatetzaren eginkizunak beste baten esku uztea
Alkateak 27/2015 Ebazpena eman du ekainaren 30ean. Hona hemen testua:
“Alkatetza honi legeak aitortzen dio eskudantzia batzuk Udalbatzako beste organoen esku uzteko aukera, baldin eta Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluan debekatutako kasuren batean sarturik ez badaude. Azkar ebazten duten organoetan udal kudeaketa hobetzeko xedea izanik, komenigarria da ondotik aipatzen diren eskumenak eskuordetzea, prozedurak arintzeko zerbitzuen eraginkortasun maila handituz. Horrenbestez, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 13.1 artikuluan, Toki Araubidearen Oinarriak arautzen dituen apirilaren 2ko 7/1985 Legearen 21.3 artikuluan eta azaroaren 28ko 2568/1986 Errege Dekretuaren bidez onetsitako Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 43., 44., 45., 114.etik 118.era, 120. eta 121. artikuluetan ezarritakoaren arabera, jarraian Alkatetzaren eskumenak zerrendatu dira.
Horiek horrela eta Toki Araubidearen Oinarriak arautzen dituen apirilaren 2ko 7/1985 Legearen 21. artikuluan ezarritakoari jarraituz.
Toki Araubidearen Oinarriak arautzen dituen apirilaren 2ko 7/1985 Legearen 21.1.k) eta 21.1.s) artikuluetan ezarriaren arabera eta indarra duen legediak ematen dizkidan eskudantziak erabiliz,
EBATZI DUT:
Lehenbizikoa.–M.ª Pilar Uriz Irisarri zinegotziaren esku uztea ondoko eskumenak:
TITULARRA | EREMUA |
M.ª Pilar Uriz Irisarri | Garinoaingo Haur Eskola eta Musika Eskola |
Eskuordetzeak bere ditu zuzendaritza eta kudeaketa ahalmenak, baita administrazio prozedurak hirugarrenengan eragina duten egintza administratiboen bitartez ebazteko ahalmena ere.
Organo eskuordetuak egiten dituen kudeaketen eta ematen dituen xedapenen berri eman beharko dio, gero, Alkatetza honi, ezartzen den aldizkakotasunarekin eta, betiere, hala eskatzen zaion aldiro, eta aitzinetik, berriz, munta duten erabakietan, hala aipatzen baitu Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua onesten duen azaroaren 28ko 2568/1986 Errege Dekretuaren 115. artikuluak.
Zinegotzi delegatuak bere eskudantziak erabiltzen dituenean ematen dituen egintzetan inguruabar hori adieraziko da espresuki, eta udal honetako Alkatetzak egintzat hartuko dira. Horrenbestez, Alkatetzak ebatzi beharko ditu egintza horien kontra aurkezten diren berraztertzeko errekurtsoak.
Egindako eskuordetzeak indarra har dezan, organo eskuordetuaren onarpena beharko da. Onarpena isilbidez eman dela ulertuko da, baldin eta ebazpena jakinarazi eta, biharamunetik hasita, hiru egun baliodunean Udal honetako Alkatetzari kontrakoa adierazten ez bazaio.
Bigarrena.–Interesdunari ebazpen honen berri ematea, baita Osoko Bilkurari ere, egiten duen lehen bilkuran.
Jakinarazi nahi da, haren kontra, errekurtso hauek para daitezkeela, hautara:
–Berraztertzeko errekurtsoa, eman duen organo berari zuzendua, hilabeteko epean, jakinarazten den egunetik aitzina.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, honako jakinarazpen hau jaso eta biharamunetik aitzina.
–Administrazioarekiko auzi-errekurtsoa, jurisdikzio horretako organo eskudunari zuzendua, bi hilabeteko epean, honako jakinarazpen hau jaso eta biharamunetik aitzina”.
Argitara ematen da, orok jakin dezan.
Garinoainen, 2015eko uztailaren 6an.–Alkatea, Iñigo Arregui Oderiz.
Iragarkiaren kodea: L1510072
