1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1441/2015 EBAZPENA, ekainaren 22koa, Funtzio Publikoaren zuzendari nagusiak emana, Juan José Asín Pascual jaunak eskaturik, Unión General de Trabajadores (UGT) ordezkatuz, Lehendakaritza, Justizia eta Barneko kontseilariaren martxoaren 9ko 66E/2015 Foru Aginduaren aurka jarritako administrazioarekiko auzi-errekurtsoari (138/2015 prozedura laburtua) dagokion espedientea Iruñeko Administrazioarekiko Auzien 2. Epaitegira igortzea erabakitzen duena. Errekurritutako foru agindu horren bidez erabaki zen pilatzea eta ezeztea Juan José Asín Pascual jaunak, Unión General de Trabajadores (UGT) ordezkatuz, eta Daniel Ancizu Martínez jaunak, Central Sindical Independiente y de Funcionarios (CSIF) ordezkatuz, Funtzio Publikoaren zuzendari nagusiaren azaroaren 17ko 2484/2014 Ebazpenaren aurka jarritako gora jotzeko errekurtsoak. Ebazpen horren bidez Nafarroako Foruzaingoko komisarioen 10 lanpostu Nafarroako Polizia Kidegoetako kideak oposizio-lehiaketa bidez promozionatuz betetzeko deialdia onetsi zen.
Juan José Asín Pascual jaunak eskaturik, Unión General de Trabajadores (UGT) ordezkatuz, administrazioarekiko auzi-errekurtsoa jarri zen Iruñeko Administrazioarekiko Auzien 2. Epaitegian, Lehendakaritza, Justizia eta Barneko kontseilariaren martxoaren 9ko 66E/2015 Foru Aginduaren aurka. Foru agindu horren bidez, Juan José Asín Pascual jaunak, Unión General de Trabajadores (UGT) ordezkatuz, eta Daniel Ancizu Martínez jaunak, Central Sindical Independiente y de Funcionarios (CSIF) ordezkatuz, Funtzio Publikoaren zuzendari nagusiaren azaroaren 17ko 2484/2014 Ebazpenaren aurka jarritako gora jotzeko errekurtsoak pilatu eta ezetsi ziren. Ebazpen horren bidez Nafarroako Foruzaingoko komisarioen 10 lanpostu Nafarroako Polizia Kidegoetako kideak oposizio-lehiaketa bidez promozionatuz betetzeko deialdia onetsi zen.
Horrenbestez, otsailaren 21eko 30/2005 Foru Dekretuaren eta uztailaren 25eko 69/2012 Foru Dekretuaren bidez esleiturik ditudan eskudantziak erabiliz,
EBATZI DUT:
1. Iruñeko Administrazioarekiko Auzien 2. Epaitegira igortzea 138/2015 prozedura laburtuko administrazioarekiko auzi-errekurtsoari dagokion espedientea. Errekurtsoa Juan José Asín Pascual jaunak jarri zuen, Unión General de Trabajadores (UGT) ordezkatuz, Lehendakaritza, Justizia eta Barneko kontseilariaren martxoaren 9ko 66E/2015 Foru Aginduaren aurka. Aipatu foru agindu horren bidez, Juan José Asín Pascual jaunak, Unión General de Trabajadores (UGT) ordezkatuz, eta Daniel Ancizu Martínez jaunak, Central Sindical Independiente y de Funcionarios (CSIF) ordezkatuz, Funtzio Publikoaren azaroaren 17ko 2484/2014 Ebazpenaren aurka jarritako gora jotzeko errekurtsoak pilatu eta ezetsi ziren. Ebazpen horren bidez Nafarroako Foruzaingoko komisarioen 10 lanpostu Nafarroako Polizia Kidegoetako kideak oposizio-lehiaketa bidez promozionatuz betetzeko deialdia onetsi zen.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izateko, ebazpena argitaratu ondoko bederatzi eguneko epean, Iruñeko Administrazioarekiko Auzien 2. Epaitegian.
3. Ebazpen hau Iruñeko Administrazioarekiko Auzien 2. Epaitegiari eta Lehendakaritza, Justizia eta Barne Departamentuko Aholkularitza Juridikoari igortzea, eta Juan José Asín Pascual jaunari jakinaraztea, Unión General de Trabajadores (UGT) sindikatuaren ordezkari gisa baitihardu, behar diren ondorioak izan ditzan.
Iruñean, 2015eko ekainaren 22an.–Funtzio Publikoaren zuzendari nagusia, Gregorio Eguílaz Gogorza.
Iragarkiaren kodea: F1509459
