1. NAFARROAKO FORU KOMUNITATEA
1.7. BESTELAKOAK
249/2014 EBAZPENA, abuztuaren 28koa, Vianako Printzea Erakundea-Kulturako zuzendari nagusiak emana, Cortesko Paloteadoa interes kulturaleko ondasun ez-material deklaratzeko espedientea irekitzen duena.
Cortesko Udalak Cortesko Paloteadoa interes kulturaleko ondasun ez-material deklaratzeko eskatu dio Nafarroako Gobernuari. Eskaerari ondasuna deskribatzeko memoria erantsi zaio, informazio eta dokumentazio hau duena:
–1. dokumentua: “El Dance de Cortes”, Salvador Barandiarán aita jesulagunaren argitalpena, “Principe de Viana” Aldizkarian kaleratua (82-83 zenbakiak, 1961).
–2. dokumentua: “Cortes de Navarra. El Ebro como eje”, Julio Caro Baroja jaunaren argitalpena, “Revista de Dialectología y Tradiciones Populares” izeneko aldizkarian kaleratua (XXV. zenbakia, 1969).
–3. dokumentua: “El Paloteado de Cortes”, Rebeca Madurga Continente andrearen argitalpena, “Cuadernos de Folklore Jentilbaratz” izeneko aldizkarian kaleratua 2012. urtean.
–4. dokumentua: “El Paloteado de Cortes”, Maite Lostado andrearen argitalpena, “Cuaderno de Etnología y Etnografía de Navarra” izeneko aldizkarian kaleratua (87. zenbakia, 2012ko abendua).
–5. dokumentua: “Dances de Cortes y Monteagudo”, Tuterako gaiteroena, Euskal Dantzarien Biltzarrak kaleratua.
–6. dokumentua: DVD bat, “Dances de Cortes y Monteagudo” diskoan dagoen Cortesko Paloteadoaren dantzaren musika duena, eta, horretaz gainera, Cortesko Paloteadoaren hainbat garaitako argazki historikoak.
–7. dokumentua: “Cortesko Paloteadoaren partiturak”.
–8. dokumentua: “Cortesko Paloteadoaren argazki historikoen zerrenda”.
–9. dokumentua: ·”El Paloteado de Cortes” filma, Julio Caro Barojarena (1967. urtea).
Museoen Zerbitzuak txosten tekniko bat egin du Cortesko Udalaren eskaerari buruz, atal hauek dituena:
0. Aurrekari administratiboak.
0.1. 14/2005 Foru Legea, azaroaren 22koa, Nafarroako Kultur Ondareari buruzkoa.
0.2. Nafarroako Ondare Ez-materialari buruzko plana.
0.3. Kultur Ondare Ez-materiala babesteko Plan Nazionala.
0.4. Lantzeko inauteriak interes kulturaleko ondasun deklaratzeko erabakia, Nafarroako Gobernuaren 2009ko apirilaren 6ko 35/2009 Foru Dekretuaren bidez hartua.
0.5. Iturengo eta Zubietako inauteriak interes kulturaleko ondasun deklaratzeko erabakia, Nafarroako Gobernuaren 2009ko apirilaren 6ko 34/2009 Foru Dekretuaren bidez hartua.
0.6. Hiru Behien Zerga interes kulturaleko ondasun deklaratzeko erabakia, Nafarroako Gobernuaren 2011ko urtarrilaren 24ko Erabakiaren bidez hartua.
0.7. Luzaideko Bolantak interes kulturaleko ondasun deklaratzeko erabakia, Nafarroako Gobernuaren 2012ko apirilaren 3ko Erabakiaren bidez hartua.
0.8. Cortesko Udalaren akordioa, 2013ko abenduaren 16an osoko bilkuran hartua.
1.–Lekua.
2.–Izena.
3.–Tipologia edo sailkapena.
4.–Jardueraren deskribapena.
4.1. Kultur adierazpenaren subjektu edo talde titularra eta haren inplikazioa.
4.2. Adierazpenaren deskribapena eta ezaugarriak.
4.2.1. Jatorria.
4.2.2. Bilakaera historikoa / aldaketak.
4.2.3. Egitura eta denbora-segida.
4.2.4. Paloteadoaren deskribapena.
4.2.4.1. Antzezpena.
4.2.4.2. Bertsoak.
4.2.4.3. Dantzak.
–Makil-dantzak.
–Zinta-dantzak.
4.2.5. Ingurunea.
4.2.6. Protagonisten azterketa, eta ikusleenganako irekiera-gradua.
4.2.7. Harekin lotutako erregistro multisentsorialak.
4.2.8. Emanaldian parte hartzen duten erakunde eta elkarteak.
4.3. Interpretazioa eta sinbolismoa.
5.–Lotutako elementuak.
5.1. Interes etnologikoa duten gauzak.
5.1.1. Makil-dantzariaren jantzia, gizonarena.
5.1.2. Makil-dantzariaren jantzia, emakumearena.
5.1.3. Beste pertsonaia batzuen janzkera.
5.2. Musika eta dantza.
5.2.1. Musika, musika-tresnak eta interpreteak.
6.–Cortesko Paloteadoa Nafarroako Kultur Ondareko Ondasunen Erregistroan inskribatzeko justifikazioa.
6.1. Cortesko Paloteadoaren definizioa eta ezaugarriak, Kultur Ondare Ez-materialaren osagai gisa.
6.2. Cortesko Paloteadoa Nafarroako Kultur Ondareko Ondasunen Erregistroan ondare ez-material gisa inskribatzeko justifikazioa.
7.–Arriskuen identifikazioa eta ondasuna babesteko estrategiak.
8.–Bibliografia.
9.–Erantsitako dokumentazioa.
Udalak aurkeztutako memoriak eta Museoen Zerbitzuaren txostenak behar bezain ongi deskribatzen dute ondasuna, eta ongi justifikatzen dute haren garrantzia eta berezitasuna, ikusarazten duena merezi duela, Nafarroako Kultur Ondareari buruzko azaroaren 22ko 14/2005 Foru Legearen 19. artikuluan xedatutakoari jarraikiz, interes kulturaleko ondasunaren deklarazioa.
Horrenbestez, eta honako hauek ematen dizkidaten ahalmenak erabiliz: Nafarroako Kultur Ondareari buruzko azaroaren 22ko 14/2005 Legea, urriaren 3ko 217/1986 Foru Dekretua, Interes Kulturaleko Ondasunen Deklarazioa arautzen duena (abenduaren 30eko 572/1991 Foru Dekretuaren bidez aldatua) eta Kulturako, Turismoko eta Erakunde Harremanetako Departamentuaren egitura organikoa ezarri zuen uztailaren 25eko 67/2012 Foru Dekretua.
EBATZI DUT:
1. Cortesko Paloteadoa interes kulturaleko ondasun ez-material deklaratzeko espedientea irekitzea.
2. Espedientea tramitatzen jarraitzea, indarrean dauden xedapenek ezarritako moduan.
3. Ebazpen hau jakinaraztea Cortesko Udalari, Museoen Zerbitzuari, eta Hezkuntza eta Kultura Ministerioaren Arte Ederren Zuzendaritza Nagusiari atxikitako Interes Kulturaleko Ondasunen Erregistroari, aurreneurrizko idatzoharra egin dadin.
4. Ebazpen hau Nafarroako Aldizkari Ofizialean argitaratzea, eta argitaratzen denetik 30 eguneko epea ematea jendaurrean egon dadin, interesdunek egokiak iruditzen zaizkien alegazioak aurkeztu ahal izateko.
Iruñean, 2014ko abuztuaren 28an.–Vianako Printzea Erakundea-Kulturako zuzendari nagusia, Ana Zabalegui Reclusa.
Iragarkiaren kodea: F1412061
