1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
338/2013 FORU AGINDUA, urriaren 9koa, Ekonomia, Ogasun, Industria eta Enpleguko kontseilariak emana, Sandra Eraso Moreno andrea Politika Ekonomiko eta Enpresarialaren Zuzendaritza Nagusiko Nafarroako Estatistika Plana Koordinatzeko Bulegoko buru izendatzen duena bitarte baterako.
Nafarroako Administrazio Publikoen Zerbitzuko Langileen Estatutuaren Testu Bategina onetsi zuen abuztuaren 30eko 251/1993 Legegintzako Foru Dekretuaren hirugarren xedapen gehigarriko bigarren idatz-zatiak ezartzen du bulegoburutzak eta atalburutzak bitarte baterako bete daitezkeela, organo eskudunak egindako izendapenaren bidez; burutza horiek betetzen dituztenek nahitaez Foru Komunitateko Administrazioko funtzionarioak edo hari atxikiak izan beharko dute.
Halaber, Nafarroako Foru Komunitateko Administrazioari buruzko abenduaren 3ko 15/2004 Foru Legearen seigarren xedapen gehigarriak xedatzen duenez, kasuan kasuko unitate organikoa atxikirik dagoen departamentuko titularrak izendatuko ditu bulegoko buruak bitarte baterako, funtzio publikoaren arloan eskudun den departamentuak aldeko txostena eman ondoren.
Lehendakaritza, Justizia eta Barne Departamentuak aldeko txostena eman du.
AGINDU DUT:
Lehena.–Sandra Eraso Moreno andrea, Nafarroako Foru Komunitateko Administrazioko funtzionarioa, Politika Ekonomiko eta Enpresarialaren Zuzendaritza Nagusiko Nafarroako Estatistika Plana Koordinatzeko Bulegoko buru izendatzea bitarte baterako.
Bigarrena.–Foru agindu hau jakinaraztea interesdunari, departamentuko Idazkaritza Tekniko Nagusiari, Nafarroako Estatistika Institutuari eta Funtzio Publikoaren Zuzendaritza Nagusiari.
Hirugarrena.–Foru agindu hau Nafarroako Aldizkari Ofizialean argitaratzea.
Iruñean, 2013ko urriaren 9an.–Ekonomia, Ogasun, Industria eta Enpleguko kontseilaria, Lourdes Goicoechea Zubelzu.
Iragarkiaren kodea: F1314052
