226. ALDIZKARIA - 2012ko azaroaren 19a

1. NAFARROAKO FORU KOMUNITATEA

1.7. BESTELAKOAK

888/2012 EBAZPENA, urriaren 24koa, Toki Administrazioko zuzendari nagusiak emana, Aitor Laparra Navarro jaunak Lehendakaritzako, Administrazio Publikoetako eta Barneko kontseilariaren maiatzaren 11ko 197/2012 eta 198/2012 Foru Aginduen aurka jarritako administrazioarekiko auzi-errekurtsoaren administrazio espedientea (342/2012 prozedura laburtua) Administrazioarekiko Auzien 3. Epaitegira igortzea agintzen duena. Foru agindu horien bidez, deialdiak onetsi ziren Nafarroako toki entitateetako A taldeko eta B taldeko kontu-hartzaileen lanpostuetan aritzeko Nafarroako Foru Komunitateko Administrazioak ematen duen gaikuntza lortzeko eta lanpostu horietan oposizio-lehiaketa bidez sartzeko.

Administrazioarekiko Auzien 3. Epaitegiak, 2012ko irailaren 24ko idazkiaren bidez, 342/2012 prozedura laburtuko administrazioarekiko auzi-errekurtsoari buruzko administrazio espedientea igortzeko eskatu du. Errekurtsoa Aitor Laparra Navarro jaunak jarri du Lehendakaritzako, Administrazio Publikoetako eta Barneko kontseilariaren maiatzaren 11ko 197/2012 eta 198/2012 Foru Aginduen aurka. Foru agindu horien bidez, deialdiak onetsi ziren Nafarroako toki entitateetako A taldeko eta B taldeko kontu-hartzaileen lanpostuetan aritzeko Nafarroako Foru Komunitateko Administrazioak ematen duen gaikuntza lortzeko eta lanpostu horietan oposizio-lehiaketa bidez sartzeko.

Horrenbestez, Landa Garapeneko, Ingurumeneko eta Toki Administrazioko Departamentuaren egitura organikoa ezarri zuen uztailaren 25eko 70/2012 Foru Dekretuaren bidez eskuratu ditudan eskudantziak erabiliz,

EBATZI DUT:

1. Administrazioarekiko Auzien 3. Epaitegira igortzea 342/2012 prozedura laburtuko administrazioarekiko auzi-errekurtsoari buruzko administrazio espedientea. Errekurtsoa Aitor Laparra Navarro jaunak jarri du Lehendakaritzako, Administrazio Publikoetako eta Barneko kontseilariaren maiatzaren 11ko 197/2012 eta 198/2012 Foru Aginduen aurka. Foru agindu horien bidez, deialdiak onetsi ziren Nafarroako toki entitateetako A taldeko eta B taldeko kontu-hartzaileen lanpostuetan aritzeko Nafarroako Foru Komunitateko Administrazioak ematen duen gaikuntza lortzeko eta lanpostu horietan oposizio-lehiaketa bidez sartzeko.

2. Ebazpen hau Nafarroako Aldizkari Ofizialean argitaratzea, interesaturik egon daitezkeenak auzitara etorri eta, bidezkoa bada, errekurtso horietan demandatu gisa ager daitezen, argitaratu eta bederatzi eguneko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoaren arabera, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59.5 artikuluari loturik.

3. Ebazpen hau igortzea Nafarroako Iruñeko Administrazioarekiko Auzien 3. Epaitegira eta Lehendakaritzako, Administrazio Publikoetako eta Barneko Departamentuko Aholkularitza Juridikoaren Zerbitzura.

Iruñean, 2012ko urriaren 24an.-Toki Administrazioko zuzendari nagusia, Francisco Pérez Arregui.

Iragarkiaren kodea: F1214954